کسی بھی دشت نے ایسا نہیں گزارا دن — شاہین عباس
شاعر
کسی بھی دشت نے ایسا نہیں گزارا دن
کسی بھی دشت نے ایسا نہیں گزارا دن
ہماری دھوپ سفر میں ہے سارا سارا دن
یہ مسئلہ ابھی دریا سے طے نہیں ہو گا
کہیں پہ شام کنارہ کہیں کنارہ دن
گزر گیا تری آنکھوں میں شام ہوتے ہی
گزارے سے جو گزرتا نہ تھا ہمارا دن
ہمارا کچھ بھی نہیں دل کی دھوپ چھانو میں
یہ رات رات تمہاری یہ دن تمہارا دن
چلا ہے ٹھہرا ہوا خامشی کا سایہ پھر
ڈھلا ہے عالم آواز میں دوبارہ دن
ہماری چشم سے بڑھ کر نہیں ہماری شام
ہمارے دل کے علاوہ نہیں ہمارا دن
طلوع اور غروب ایک ہو گئے دل میں
کسی نے شام گزاری کہ یاں گزارہ دن
Kisi bhi dasht ne aisa nahin guzara din
Kisi bhi dasht ne aisa nahin guzara din
Hamari dhoop safar mein hai sara sara din
Yeh masla abhi dariya se tai nahin hoga
Kahin pe shaam kinara kahin kinara din
Guzar gaya teri aankhon mein shaam hote hi
Guzaare se jo guzarta na tha hamara din
Hamara kuchh bhi nahin dil ki dhoop chhanon mein
Yeh raat raat tumhari yeh din tumhara din
Chala hai thehra hua khamoshi ka saya phir
Dhala hai aalam awaaz mein dobara din
Hamari chashm se badh kar nahin hamari shaam
Hamare dil ke ilawa nahin hamara din
Tulu aur ghuroob ek ho gaye dil mein
Kisi ne shaam guzari ke yahan guzara din
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں