کچھ نہیں لکھا ہوا پھر بھی پڑھا جاتا ہے کیا — شاہین عباس
شاعر
کچھ نہیں لکھا ہوا پھر بھی پڑھا جاتا ہے کیا
کچھ نہیں لکھا ہوا پھر بھی پڑھا جاتا ہے کیا
ایسی ناموجود کو دنیا کہا جاتا ہے کیا
ہم سخن تیرے مخاطب کا پتا کیسے کروں
بولنا تھا کیا تجھے اور بولتا جاتا ہے کیا
ایک دروازہ اور اندر دور تک کوئی نہیں
آتے جاتے جھانک لینے سے ترا جاتا ہے کیا
اس اندھیرے میں پڑے اک شخص کو دیکھا کبھی
پاؤں سے ٹکرائے تو بانہوں میں آ جاتا ہے کیا
ہم ادھر ہیں حشر اٹھا دیتے ہیں جب اٹھتی ہے لہر
تم ادھر ہو ہاتھ اٹھا دو سب سنا جاتا ہے کیا
میں کہ تیرا تیسرا غم ہوں سو یہ غم بھی تو کر
تو کہ بس ہونے نہ ہونے پر مرا جاتا ہے کیا
Kuch nahin likha hua phir bhi paṛha jata hai kya
Kuch nahin likha hua phir bhi paṛha jata hai kya
Aisi namaujud ko duniya kaha jata hai kya
Hum-sukhan tere mukhatib ka pata kaise karoon
Bolna tha kya tujhe aur bolta jata hai kya
Ek darwaza aur andar door tak koi nahin
Aate jaate jhank lene se tera jata hai kya
Is andhere mein paṛe ik shakhs ko dekha kabhi
Paon se ṭakraye to baanhon mein aa jata hai kya
Hum idhar hain hashr uṭha dete hain jab uṭhti hai lehar
Tum idhar ho hath uṭha do sab suna jata hai kya
Main ke tera teesra gham hoon so yeh gham bhi to kar
Tu ke bas hone na hone par mara jata hai kya
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں