کچھ آنے والوں کی تاخیر سے تنگ آ گئے ہیں — شاہین عباس
شاعر
کچھ آنے والوں کی تاخیر سے تنگ آ گئے ہیں
کچھ آنے والوں کی تاخیر سے تنگ آ گئے ہیں
یہ گھر تعمیر در تعمیر سے تنگ آ گئے ہیں
کئی عالم میں شور اٹھتا ہے اس زنجیر پا سے
کئی عالم مری زنجیر سے تنگ آ گئے ہیں
تو کیا اس راز سے سینہ چھڑا لیں سانس لے لیں
ہم اس تصویر میں تصویر سے تنگ آ گئے ہیں
انہیں فرشوں پہ تکیہ تھا مگر یہ فرش بھی تو
ہمارے نالۂ شبگیر سے تنگ آ گئے ہیں
مچانوں میں سے آنسو گر رہے ہیں خاک اوپر
شکاری ہیں کہ جو تقدیر سے تنگ آ گئے ہیں
عجب کیا وقت کا یہ آخری پھیرا ہو یاں پر
گلی کوچے اب اس رہ گیر سے تنگ آ گئے ہیں
وضاحت کرتے کرتے زندگی پر مرتے مرتے
مسلسل ایک ہی تعزیر سے تنگ آ گئے ہیں
Kuchh aane walon ki taakheer se tang aa gaye hain
Kuchh aane walon ki taakheer se tang aa gaye hain
Yeh ghar ta'meer dar ta'meer se tang aa gaye hain
Kai aalam mein shor uthta hai us zanjeer-e-paa se
Kai aalam meri zanjeer se tang aa gaye hain
To kya is raaz se seena chhura lein saans le lein
Hum is tasveer mein tasveer se tang aa gaye hain
Inhein farshon pe takiya tha magar yeh farsh bhi to
Hamare nala-e-shabgeer se tang aa gaye hain
Machaanon mein se aansu gir rahe hain khaak upar
Shikari hain ke jo taqdeer se tang aa gaye hain
Ajab kya waqt ka yeh aakhri phera ho yahan par
Gali kuche ab us reh-geer se tang aa gaye hain
Wazahat karte karte zindagi par marte marte
Musalsal ek hi ta'zeer se tang aa gaye hain
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں