کچھ بھی نہ جب دکھائی دے تب دیکھتا ہوں میں — شاہین عباس
شاعر
کچھ بھی نہ جب دکھائی دے تب دیکھتا ہوں میں
کچھ بھی نہ جب دکھائی دے تب دیکھتا ہوں میں
پھر بھی یہ خوف سا ہے کہ سب دیکھتا ہوں میں
آنکھیں تمہارے ہاتھ پہ رکھ کر میں چل دیا
اب تم پہ منحصر ہے کہ کب دیکھتا ہوں میں
آہٹ عقب سے آئی اور آگے نکل گئی
جو پہلے دیکھنا تھا وہ اب دیکھتا ہوں میں
یہ وقت بھی بتاتا ہے آداب وقت بھی
اس ٹوٹتے ستارے کو جب دیکھتا ہوں میں
اب یاں سے کون دے مری چشم طلب کو داد
جس فاصلے سے باب طلب دیکھتا ہوں میں
ان پتلیوں کا قرض چکاتا ہوں کیا کروں
بس دل سے دل ملاتا ہوں جب دیکھتا ہوں میں
ناکام عشق ہوں سو مرا دیکھنا بھی دیکھ
کم دیکھتا ہوں اور غضب دیکھتا ہوں میں
Kuchh bhī na jab dikhā.ī de tab dekhtā huuñ maiñ
Kuchh bhī na jab dikhā.ī de tab dekhtā huuñ maiñ
Phir bhī ye ḳhauf sā hai ki sab dekhtā huuñ maiñ
Āñkheñ tumhāre haath pe rakh kar maiñ chal diyā
Ab tum pe munhasir hai ki kab dekhtā huuñ maiñ
Āhaṭ aqab se aa.ī aur aage nikal ga.ī
Jo pahle dekhnā thā vo ab dekhtā huuñ maiñ
Ye vaqt bhī batātā hai ādāb-e-vaqt bhī
Is ṭūṭte sitāre ko jab dekhtā huuñ maiñ
Ab yāñ se kaun de mirī chashm-e-talab ko daad
Jis fāsle se bāb-e-talab dekhtā huuñ maiñ
In putliyōñ kā qarz chukātā huuñ kyā karūñ
Bas dil se dil milātā huuñ jab dekhtā huuñ maiñ
Nākām-e-ishq huuñ so mirā dekhnā bhī dekh
Kam dekhtā huuñ aur ghazab dekhtā huuñ maiñ
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں