میں ہوا تیرا ماجرا تو مرا ماجرا ہوا — شاہین عباس
شاعر
میں ہوا تیرا ماجرا تو مرا ماجرا ہوا
میں ہوا تیرا ماجرا تو مرا ماجرا ہوا
وقت یونہی گزر گیا وقت کے بعد کیا ہوا
کیسا گزشتہ دن تھا جو پھر سے گزارنا پڑا
دھوپ بھی تھی بچی ہوئی سایا بھی تھا بچا ہوا
صبح کے ساتھ جائے کون شام کو لے کے آئے کون
رات کا گھر بسائے کون ہے کوئی جاگتا ہوا
ایک مکاں میں کچھ ہوا بات سنی نہ جا سکی
لوگ گلی گلی سے اب پوچھ رہے ہیں کیا ہوا
پکڑا گیا تھا کیا کروں شوق تھا یہ گڑھا بھروں
صبح طلوع کا ہوا شام غروب کا ہوا
صحن میں چارپائی پر بیٹھا ہوا ہوں دیر سے
لمحوں کا مسئلہ ہوں اور صدیوں سے ہوں ملا ہوا
ایسے میں بھی عجب نہیں جی سکوں اور مر سکوں
اپنے خراب و خوب کا حیرتی ہوں تو کیا ہوا
یوں ہی تو چپ نہیں ہوں میں کوئی تو بات ہے ضرور
یہ جو قضا ہوا ہے خواب سجدہ تھا جو قضا ہوا
اور میں باقی رہ گیا باتیں بنانے کے لیے
میری طرح کا ایک شخص تیرے لیے فنا ہوا
Main hua tera maajra tu mera maajra hua
Main hua tera maajra tu mera maajra hua
Waqt yunhi guzar gaya waqt ke baad kya hua
Kaisa guzashta din tha jo phir se guzaarna pada
Dhoop bhi thi bachi hui saaya bhi tha bacha hua
Subah ke saath jaaye kaun shaam ko le ke aaye kaun
Raat ka ghar basaaye kaun hai koi jaagta hua
Ek makaan mein kuch hua baat suni na ja saki
Log gali gali se ab pooch rahe hain kya hua
Pakda gaya tha kya karun shauq tha yeh gadha bharoon
Subah taloo ka hua shaam ghuroob ka hua
Sehan mein charpai par baitha hua hoon der se
Lamhon ka masla hoon aur sadiyon se hoon mila hua
Aise mein bhi ajab nahin ji sakoon aur mar sakoon
Apne kharab-o-khoob ka hairati hoon toh kya hua
Yun hi toh chup nahin hoon main koi toh baat hai zaroor
Yeh jo qaza hua hai khwab sajda tha jo qaza hua
Aur main baaqi reh gaya baatein banane ke liye
Meri tarah ka ek shakhs tere liye fanaa hua
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں