موجۂ خون پریشان کہاں جاتا ہے — شاہین عباس
شاعر
موجۂ خون پریشان کہاں جاتا ہے
موجۂ خون پریشان کہاں جاتا ہے
مجھ سے آگے مرا طوفان کہاں جاتا ہے
میں تو جاتا ہوں بیابان نظر کے اس پار
میرے ہم راہ بیابان کہاں جاتا ہے
اب تو دریا میں بندھے بیٹھے ہیں دریا کی طرح
اب کناروں کی طرف دھیان کہاں جاتا ہے
چائے کی پیالی میں تصویر وہی ہے کہ جو تھی
یوں چلے جانے سے مہمان کہاں جاتا ہے
داستاں گو کی نشانی کوئی رکھی ہے کہ وہ
داستاں گوئی کے دوران کہاں جاتا ہے
بات یوں ہی تو نہیں کرتا ہوں میں رک رک کر
کیا بتاؤں کہ مرا دھیان کہاں جاتا ہے
گھر بدلنا تو بہانہ ہے بہانہ کر کے
اندر اندر ہی سے انسان کہاں جاتا ہے
Mauj-e-khoon pareshaan kahan jaata hai
Mauj-e-khoon pareshaan kahan jaata hai
Mujh se aage mera toofan kahan jaata hai
Main toh jaata hoon bayabaan nazar ke uss paar
Mere humraah bayabaan kahan jaata hai
Ab toh darya mein bandhe baithe hain darya ki tarah
Ab kinaron ki taraf dhyan kahan jaata hai
Chai ki piyali mein tasweer wohi hai ke jo thi
Yun chale jaane se mehmaan kahan jaata hai
Daastaan-go ki nishaani koi rakhi hai ke woh
Daastaan-goi ke dauraan kahan jaata hai
Baat yun hi toh nahin karta hoon main ruk ruk kar
Kya bataun ke mera dhyan kahan jaata hai
Ghar badalna toh bahana hai bahana kar kar ke
Andar andar hi se insaan kahan jaata hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں