موجۂ خون پریشان کہاں جاتا ہے — شاہین عباس
شاعر
موجۂ خون پریشان کہاں جاتا ہے
موجۂ خون پریشان کہاں جاتا ہے
مجھ سے آگے مرا طوفان کہاں جاتا ہے
چائے کی پیالی میں تصویر وہی ہے کہ جو تھی
یوں چلے جانے سے مہمان کہاں جاتا ہے
میں تو جاتا ہوں بیابان نظر کے اس پار
میرے ہمراہ بیابان کہاں جاتا ہے
بات یونہی تو نہیں کرتا ہوں میں رک رک کر
کیا بتاؤں کہ مرا دھیان کہاں جاتا ہے
گھر بدلنا تو بہانہ ہے بہانہ کر کے
اندر اندر ہی سے انسان کہاں جاتا ہے
داستاں گو کی نشانی کوئی رکھی ہے کہ وہ
داستاں گوئی کے دوران کہاں جاتا ہے
اب تو دریا میں بندھے بیٹھے ہیں دریا کی طرح
اب کناروں کی طرف دھیان کہاں جاتا ہے
Mauj-e-khoon pareshan kahan jata hai
Mauj-e-khoon pareshan kahan jata hai
Mujh se aage mera toofan kahan jata hai
Chaaye ki pyaali mein tasveer wahi hai ke jo thi
Yoon chale jaane se mehman kahan jata hai
Main to jata hoon biyabaan nazar ke us paar
Mere hamrah biyabaan kahan jata hai
Baat yoonhi to nahin karta hoon main ruk ruk kar
Kya bataun ke mera dhyan kahan jata hai
Ghar badalna to bahana hai bahana kar kar ke
Andar andar hi se insaan kahan jata hai
Dastaan go ki nishaani koi rakhi hai ke woh
Dastaan-goi ke dauraan kahan jata hai
Ab to darya mein bandhe baithe hain darya ki tarah
Ab kinaron ki taraf dhyan kahan jata hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں