میرے اندر ہی کہیں آیا تھا طوفان مرا — شاہین عباس
شاعر
میرے اندر ہی کہیں آیا تھا طوفان مرا
میرے اندر ہی کہیں آیا تھا طوفان مرا
دیکھتے دیکھتے دل ہو گیا ویران مرا
مجھے کھو کر تری آنکھیں نہیں پہلے جیسی
تیرے نقصان سے بڑھ کر ہے یہ نقصان مرا
یہ سمندر کہ جو اب ملنے ملانے سے گیا
گئے وقتوں میں ہوا کرتا تھا مہمان مرا
ایک دنیا میں سمٹ آئے یہ ممکن ہی نہیں
اتنی دنیاؤں میں بکھرا ہوا سامان مرا
میں نے اس طرح بھی اس شخص کا رکھا ہے خیال
کہیں جاتا ہی نہیں اپنے سوا دھیان مرا
مجھے آغاز میں کچھ ایسے اشارے ملے تھے
میں نہ ہوتا تو کہاں جاتا بیابان مرا
میں نے دو ہاتھوں کا سایہ سا بنایا جن پر
ان درختوں نے اٹھایا نہیں احسان مرا
میری چپ شور بنی شور سے کچھ اور بنی
ایک اک کر کے ہوا ختم ہر امکان مرا
اس محبت پہ میں اتنا ہی کہوں گا شاہینؔ
اک ستارے نے سفر کر دیا آسان مرا
Mere andar hi kahin aaya tha toofan mera
Mere andar hi kahin aaya tha toofan mera
Dekhte dekhte dil ho gaya veeran mera
Mujhe kho kar teri aankhein nahin pehle jaisi
Tere nuqsaan se badh kar hai yeh nuqsaan mera
Yeh samandar ke jo ab milne milaane se gaya
Gaye waqton mein hua karta tha mehman mera
Ek duniya mein simat aaye yeh mumkin hi nahin
Itni duniyaon mein bikhra hua samaan mera
Maine is tarah bhi us shakhs ka rakha hai khayal
Kahin jaata hi nahin apne siwa dhyaan mera
Mujhe aaghaz mein kuch aise ishaare mile the
Main na hota to kahan jaata biyabaan mera
Maine do haathon ka saaya sa banaya jin par
Un drakhton ne uthaya nahin ehsaan mera
Meri chup shor bani shor se kuch aur bani
Ek ek kar ke hua khatam har imkaan mera
Is mohabbat pe main itna hi kahunga Shaheen
Ek sitaare ne safar kar diya aasaan mera
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں