مٹی کے مکان دیکھتا ہوں — شاہین عباس
شاعر
مٹی کے مکان دیکھتا ہوں
مٹی کے مکان دیکھتا ہوں
سب جان و جہان دیکھتا ہوں
لمحوں میں کہیں سکوں سے بیٹھا
قرنوں کی تکان دیکھتا ہوں
میں سیکھ رہا ہوں دیکھنا کیا
آنکھوں پہ نشان دیکھتا ہوں
بازار میں اجنبی ہوں یعنی
پھولوں کی دکان دیکھتا ہوں
یہ چپ کا معاملہ ہے آخر
ہر پھر کے زبان دیکھتا ہوں
میں آگ لگا کے آدمی کو
شعلے کی اٹھان دیکھتا ہوں
سنتا تھا اذان صبح کل تک
اب صبح اذان دیکھتا ہوں
آنکھوں کا لحاظ ہے کچھ اتنا
ہر وقت ہر آن دیکھتا ہوں
Mitti ke makan dekhta hoon
Mitti ke makan dekhta hoon
Sab jaan o jahan dekhta hoon
Lamhon mein kahin sukun se baitha
Qarnon ki takaan dekhta hoon
Main seekh raha hoon dekhna kya
Aankhon pe nishan dekhta hoon
Bazaar mein ajnabi hoon yaani
Phoolon ki dukan dekhta hoon
Ye chup ka mamla hai akhir
Har phir ke zuban dekhta hoon
Main aag laga ke aadmi ko
Sholay ki uthan dekhta hoon
Sunta tha azan-e-subh kal tak
Ab subh azan dekhta hoon
Aankhon ka lihaz hai kuch itna
Har waqt har aan dekhta hoon
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں