متصل ہو تو گیا پاؤں کے چھالے سے مرے — شاہین عباس
شاعر
متصل ہو تو گیا پاؤں کے چھالے سے مرے
متصل ہو تو گیا پاؤں کے چھالے سے مرے
شعلۂ گل نہیں سنبھلے گا سنبھالے سے مرے
میں کہ میزان معانی میں تلا کرتا تھا
اک ترازو متوازن تھی حوالے سے مرے
سر ہر طاق مرا حرف طلب جاگتا ہے
تو نمٹ سکتا نہیں نور کے ہالے سے مرے
کچھ اسی طور سے لو دیتی رہے آنکھ مری
اک ستارہ کہیں روشن ہے اجالے سے مرے
میں اس آواز کو تصویر نہیں کر سکتا
مجھے آگاہ تو کر مانگنے والے سے مرے
Muttasil ho to gaya paon ke chhale se mere
Muttasil ho to gaya paon ke chhale se mere
Shola-e-gul nahin sambhlega sambhale se mere
Mein ke meezan-e-ma'ani mein tala karta tha
Ek tarazu mutawazin thi hawale se mere
Sar har taaq mera harf-e-talab jaagta hai
Tu nimat sakta nahin noor ke haale se mere
Kuchh isi taur se lau deti rahe aankh meri
Ek sitara kahin roshan hai ujale se mere
Mein us aawaz ko tasveer nahin kar sakta
Mujhe aagah to kar mangne wale se mere
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں