نام اور نقش کی سرحد سے ملا دے گا مجھے — شاہین عباس
شاعر
نام اور نقش کی سرحد سے ملا دے گا مجھے
نام اور نقش کی سرحد سے ملا دے گا مجھے
خود مرا خواب کبھی خواب بنا دے گا مجھے
یہ ستارہ سا جو دل ہے مری دریافت تمام
جب تلک روشنی دیتا ہے دعا دے گا مجھے
یہ الگ بات کہ میں گوش بر آواز نہیں
پھر بھی کچھ دیر تو آئینہ صدا دے گا مجھے
دل کہ بڑھتا چلا آتا ہے نظر کی جانب
پھر کسی کار محبت پہ لگا دے گا مجھے
جسم اکتایا اگر ایک سی وحشت سے تو دل
ایک دشت اور اسی دشت میں لا دے گا مجھے
جس سفینے میں شب و روز کے آ بیٹھا ہوں
موج میں آیا اگر موج بنا دے گا مجھے
دل میں دیوار کے اٹھنے سے یہ شور اٹھا ہے
یہ وہ سایہ ہے جو چپ چاپ جلا دے گا مجھے
Naam aur naqsh kī sarhad se milā degā mujhe
Naam aur naqsh kī sarhad se milā degā mujhe
Khud merā khwaab kabhī khwaab banā degā mujhe
Yeh sitāra sā jo dil hai miri daryāft tamām
Jab talak roshnī detā hai duā degā mujhe
Yeh alag baat ke maiñ gosh bar āwāz nahīñ
Phir bhī kuch der to āīnā sadā degā mujhe
Dil ke baṛhtā chalā ātā hai nazar kī jānib
Phir kisī kār-e-mohabbat pe lagā degā mujhe
Jism uktāyā agar ek sī vahshat se to dil
Ek dasht aur usī dasht meñ lā degā mujhe
Jis safīne meñ shab-o-roz ke ā baiṭhā hooñ
Mauj meñ āyā agar mauj banā degā mujhe
Dil meñ dīvār ke uṭhne se yeh shor uṭhā hai
Yeh woh sāyā hai jo chup-chāp jalā degā mujhe
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں