نقش تھا اور نام تھا ہی نہیں — شاہین عباس
شاعر
نقش تھا اور نام تھا ہی نہیں
نقش تھا اور نام تھا ہی نہیں
یعنی میں اتنا عام تھا ہی نہیں
خواب سے کام تھا وہاں کہ جہاں
خواب کا کوئی کام تھا ہی نہیں
سب خبر کرنے والوں پر افسوس
یہ خبر کا مقام تھا ہی نہیں
تہ بہ تہ انتقام تھا سر خاک
انہدام انہدام تھا ہی نہیں
ہم نے توہین کی قیام کیا
اس سفر میں قیام تھا ہی نہیں
اب تو ہے پر ہمارے وقتوں میں
شیشۂ صبح و شام تھا ہی نہیں
وہ تو ہم نے کہا کہ تم بھی ہو
ورنہ کوئی نظام تھا ہی نہیں
Naqsh tha aur naam tha hi nahin
Naqsh tha aur naam tha hi nahin
Yaani main itna aam tha hi nahin
Khwab se kaam tha wahan ke jahan
Khwab ka koi kaam tha hi nahin
Sab khabar karne walon par afsos
Yeh khabar ka maqam tha hi nahin
Teh ba teh intiqam tha sar khak
Inhidaam inhidaam tha hi nahin
Hum ne tauheen ki qiyam kiya
Is safar mein qiyam tha hi nahin
Ab to hai par hamare waqton mein
Sheesha-e-subh-o-shaam tha hi nahin
Woh to hum ne kaha ke tum bhi ho
Warna koi nizam tha hi nahin
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں