نظر سے خاص تھی جو شعلگی وہ عام ہوئی — شاہین عباس
شاعر
نظر سے خاص تھی جو شعلگی وہ عام ہوئی
نظر سے خاص تھی جو شعلگی وہ عام ہوئی
کہاں کی آب و ہوا کس سفر کے نام ہوئی
میں جیسے رک سا گیا پھر کنارۂ جاں پر
وہ لہر جب مری آنکھوں سے ہم کلام ہوئی
یہ خواب جیسے کسی ساعت دگر کے ہیں خواب
یہ شام اپنے قرینے میں ایسی شام ہوئی
میں دل کی اوٹ سے سب سن رہا تھا اور چپ تھا
نواح جاں میں یہ کیسی ندا تمام ہوئی
یہ روشنی کہ جسے لکھ رہا ہوں نغمۂ نور
مجھی میں نظم ہوئی نظم بھی مدام ہوئی
غروب مہر نے خوابوں کو راہ دی آخر
دیار دل میں بہت دن کے بعد شام ہوئی
شاہین عباس
Nazar se khaas thi jo shola'gi woh aam hui
Nazar se khaas thi jo shola'gi woh aam hui
Kahan ki aab o hawa kis safar ke naam hui
Main jaise ruk sa gaya phir kinara jaan par
Woh lehar jab meri aankhon se hum kalaam hui
Yeh khwaab jaise kisi sa'at e digar ke hain khwaab
Yeh shaam apne qareene mein aisi shaam hui
Main dil ki oT se sab sun raha tha aur chup tha
Nawah e jaan mein yeh kaisi nida tamaam hui
Yeh roshni ke jise likh raha hoon naghma e noor
Muji mein nazm hui nazm bhi mudaam hui
Ghuroob e meher ne khwaabon ko raah di aakhir
Diyar e dil mein bahut din ke baad shaam hui
شاعر کے بارے میں
ِشاہیں عباس اردو کے معروف معاصر شعرا میں شمار ہوتے ہیں جنہوں نے اپنی فکری گہرائی، منفرد اسلوب اور سنجیدہ لہجے کے باعث ادبی دنیا میں نمایاں مقام حاص...
مکمل تعارف پڑھیں