پہلے تو اک چراغ کی آنکھوں میں ضم ہوئے — شاہین عباس
شاعر
پہلے تو اک چراغ کی آنکھوں میں ضم ہوئے
پہلے تو اک چراغ کی آنکھوں میں ضم ہوئے
اور پھر شریک کار کہانی میں ہم ہوئے
پاؤں تلے سے درد کی سیڑھی سرک چکی
اک عمر ہو گئی ہمیں قامت میں کم ہوئے
رہ رہ کے آ رہے تھے عقب میں جو چند سائے
آخر زمین دل پہ مرے ہم قدم ہوئے
ان منظروں کے چلنے کو اک راہ بن گئی
کیا راہرو روانہ سر چشم نم ہوئے
دونوں ہی منتظر تری موج خرام کے
دریا ہوا کہ دور کنارے پہ ہم ہوئے
نکلے ہیں بار بار انہیں گلیوں کی دھول سے
داخل جس ایک شہر میں ہم کم سے کم ہوے
Pehle to ik chirāg̠h kī āñkhoñ mein ẓam hue
Pehle to ik chirāg̠h kī āñkhoñ mein ẓam hue
Aur phir sharīk-e-kār kahānī mein ham hue
Pā'oñ tale se dard kī sīṛhī sarak chukī
Ik umr ho ga'ī hameñ qāmat mein kam hue
Rah rah ke ā rahe the aqb mein jo chand sā'e
Āḵẖir zamīn-e-dil pe mere ham qadam hue
In manzarooñ ke chalne ko ik rāh ban ga'ī
Kyā rāh-rau ravāna sar chashm-e-nam hue
Donoñ hī muntazir tirī mauj-e-ḵẖirām ke
Daryā huā ki dūr kināre pe ham hue
Nikle hī haiñ bār bār inhīñ galiyoñ kī dhūl se
Dāḵẖil jis ek shahr mein ham kam se kam hue
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں