روشنی جیسے کسی شام کے آنے سے ہوئی — شاہین عباس
شاعر
روشنی جیسے کسی شام کے آنے سے ہوئی
روشنی جیسے کسی شام کے آنے سے ہوئی
خاک دریافت مری خاک اڑانے سے ہوئی
رنگ پھر آئے نہیں موج میں پہلے کی طرح
ایسی تصویر مؤخر ترے جانے سے ہوئی
تو نے چپ سادھ لی موضوع محبت دے کر
گفتگو تجھ سے جو ہونی تھی زمانے سے ہوئی
تھا مگر ایسا اکیلا میں کہاں تھا پہلے
میری تنہائی مکمل ترے آنے سے ہوئی
اپنے بارے میں وہ اک بات جو ہوتی نہیں تھی
تیری آواز میں آواز ملانے سے ہوئی
Roshni jaise kisi shaam ke aane se hui
Roshni jaise kisi shaam ke aane se hui
Khaak-e-daryaft meri khaak udaane se hui
Rang phir aaye nahin mauj mein pehle ki tarah
Aisi tasveer moakhar tere jaane se hui
Tu ne chup saadh li mauzu-e-mohabbat de kar
Guftugu tujh se jo honi thi zamaane se hui
Tha magar aisa akela main kahan tha pehle
Meri tanhai mukammal tere aane se hui
Apne baare mein woh ek baat jo hoti nahin thi
Teri aawaaz mein aawaaz milane se hui
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں