سفر زیست کا کم کم ہنر آتا ہے مجھے — شاہین عباس
شاعر
سفر زیست کا کم کم ہنر آتا ہے مجھے
سفر زیست کا کم کم ہنر آتا ہے مجھے
بار سر اچھا ہے کھینچے لئے جاتا ہے مجھے
طائر جاں تو گیا اور گیا بھی اس پار
جانے والا مگر اب تک نظر آتا ہے مجھے
زخم اک چوکھٹے میں جیسے مجسم ہو جائے
میں وہ تصویر کہ ہر رنگ رلاتا ہے مجھے
کوئی ریلا ہے سمے کا جو گراں ہے مجھ پر
کوئی دریا ہے کنارے سے اٹھاتا ہے مجھے
آمد آمد ہے یہ کس عالم تنہائی کی
ایک اک زخم مرا چھوڑتا جاتا ہے مجھے
ہاں یہی خواب سفر ہے کہ نظر ہے جس پر
ہاں اسی گرد سفر میں نظر آتا ہے مجھے
پھر سے اک بار میں تصویر ہوا چاہتا ہوں
پھر سر لوح نظر کوئی بناتا ہے مجھے
Safar-e-zīst kā kam kam hunar aatā hai mujhe
Safar-e-zīst kā kam kam hunar aatā hai mujhe
Bār-e-sar achchhā hai kheen̄che liye jātā hai mujhe
Tāir-e-jāñ to gayā aur gayā bhī us paar
Jāne wālā magar ab tak nazar aatā hai mujhe
Zakhm ik chaukhate meñ jaise mujassam ho jaae
Main woh tasvīr ke har rañg rulātā hai mujhe
Koī relā hai same kā jo girāñ hai mujh par
Koī daryā hai kināre se uṭhātā hai mujhe
Āmad āmad hai yeh kis ālam-e-tanhāī kī
Ek ek zakhm merā choṛtā jātā hai mujhe
Hāñ yahī khwaab-e-safar hai ke nazar hai jis par
Hāñ usī gard-e-safar meñ nazar aatā hai mujhe
Phir se ik baar maiñ tasvīr huā chāhtā hooñ
Phir sar-e-lauh-e-nazar koī banātā hai mujhe
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں