سرا کی عمر کیا ہے ہمسرا کتنا پرانا ہے — شاہین عباس
شاعر
سرا کی عمر کیا ہے ہمسرا کتنا پرانا ہے
سرا کی عمر کیا ہے ہمسرا کتنا پرانا ہے
پرانا عشق کیا کچھ تھا نیا کتنا پرانا ہے
کوئی اتنا پرانا ہے کہاں تصویر عالم میں
کسے پوچھیں یہ سب اچھا برا کتنا پرانا ہے
ہمیں تو آتے جاتے ہی ملا ہے جب بھی دیکھا ہے
یہ روزانہ کا جھونکا کیا پتہ کتنا پرانا ہے
یہ اندازہ بدن کو ہوگا یا پھر روح کو ہوگا
قبا کو کیا پتہ بند قبا کتنا پرانا ہے
زمیں اوپر اٹھی تھی یا فلک نیچے خود آیا تھا
اداسی کا وہ پہلا تجربہ کتنا پرانا ہے
ہماری عکس بندی ہو چکی تھی تب ہم آئے تھے
اب آگے کیا بتائیں آئنہ کتنا پرانا ہے
کبھی چکھا پیالے کا یہ پانی کیا ہے مٹی کیا
کبھی سوچا کہ یہ دست دعا کتنا پرانا ہے
Sarā kī umr kyā hai hamsarā kitnā purānā hai
Sarā kī umr kyā hai hamsarā kitnā purānā hai
Purānā ishq kyā kuchh thā nayā kitnā purānā hai
Koī itnā purānā hai kahāñ tasvīr-e-ālam meñ
Kise pūchheñ ye sab achchhā burā kitnā purānā hai
Hameñ to aate jaate hī milā hai jab bhī dekhā hai
Ye rozāna kā jhoñkā kyā patā kitnā purānā hai
Ye andāza badan ko hogā yā phir rūh ko hogā
Qabā ko kyā patā band qabā kitnā purānā hai
Zamīñ ūpar uThī thī yā falak nīche ḳhud aaya thā
Udaasī kā vo pahlā tajruba kitnā purānā hai
Hamārī aks-bandī ho chukī thī tab ham aa.e the
Ab aage kyā batā.eñ aa.īna kitnā purānā hai
Kabhī chakkhā piyāle kā ye paanī kyā hai miTTī kyā
Kabhī sochā ki ye dast-e-du'ā kitnā purānā hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں