سر جڑا سایہ جڑا اس دور کی دیوار سے — شاہین عباس
شاعر
سر جڑا سایہ جڑا اس دور کی دیوار سے
سر جڑا سایہ جڑا اس دور کی دیوار سے
آخری دروازہ نکلا آخری دیوار سے
تب تو یہ دیوار اونچی تھی کہ جب بارش گری
پھر میں اونچا ہو گیا اس ڈوبتی دیوار سے
یہ جو دل سینے میں ہے جو خواب روزینے میں ہے
جیسے کئی لگ کے بیٹھا ہو تری دیوار سے
شہر کا آغاز تھا اور شہر ہی ملتا نہ تھا
میں الجھ کر گر پڑا اک ملگجی دیوار سے
مل ملا کر عشق کا اک تجربہ ثابت کیا
کچھ نمی دل میں سے نکلی کچھ نمی دیوار سے
دامن اچھا تھا کہ یہ سب داغ اچھے ہیں بتاؤ
کیوں جڑے بیٹھے ہو اس مٹی بھری دیوار سے
یوں ملا دیجے ہمیں جیسے ملا دیتی ہے شام
وقت کی دیوار کو بے وقت کی دیوار سے
ایک اینٹ اور ایک رخنہ ایک رخنہ ایک اینٹ
چھاؤں بھی دیوار سے ہے دھوپ بھی دیوار سے
Sar juṛā sāya juṛā is daur kī dīvār se
Sar juṛā sāya juṛā is daur kī dīvār se
Āḵẖirī darvāza niklā āḵẖirī dīvār se
Tab to ye dīvār ūñchī thī ki jab bārish girī
Phir maiñ ūñchā ho gayā is ḍūbtī dīvār se
Ye jo dil sīne mein hai jo ḵẖwāb rozīne mein hai
Jaise ka'ī lag ke baiṭhā ho tirī dīvār se
Shahr kā āg̠hāz thā aur shahr hī miltā na thā
Maiñ ulajh kar gir paṛā ik malgajī dīvār se
Mil milā kar ishq kā ik tajraba sābit kiyā
Kuchh namī dil mein se niklī kuchh namī dīvār se
Dāman achcha thā ki ye sab dāg̠h achche haiñ batā'o
Kyūñ juṛe baiṭhe ho is miṭṭī bharī dīvār se
Yūñ milā dījiye hameñ jaise milā detī hai shām
Waqt kī dīvār ko be-waqt kī dīvār se
Ek īñṭ aur ek ruḵẖna ek ruḵẖna ek īñṭ
Chhā'oñ bhī dīvār se hai dhūp bhī dīvār se
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں