سرائے بود میں بہتا ہوں ڈھلتا جاتا ہوں — شاہین عباس
شاعر
سرائے بود میں بہتا ہوں ڈھلتا جاتا ہوں
سرائے بود میں بہتا ہوں ڈھلتا جاتا ہوں
کوئی بلاتا نہیں اور میں چلتا جاتا ہوں
ابھی وہیں کا وہیں ہوں بدن کی گھاٹ پہ میں
ہزار پانی پہ پانی بدلتا جاتا ہوں
بہت رکی ہوئی شاموں میں چل رہا ہوں کہیں
بہت بجھے ہوئے لوگوں میں جلتا جاتا ہوں
حجاب آب و ہوا سے ہٹا سکوں شاید
میں دست و پا پہ جو مٹی سی ملتا جاتا ہوں
ابھی میں ٹھیک کہیں بھی بپا نہیں ہوتا
سو وحشتیں ہی نبھاتا ہوں ٹلتا جاتا ہوں
کوئی مکاں ہے جو بے دخل کر رہا ہے مجھے
کوئی گلی ہے کہ جس سے نکلتا جاتا ہوں
یہ خواب دیکھنے والوں کا قافلہ ہے سو میں
اسی غبار میں چپ چاپ چلتا جاتا ہوں
Saraye bood mein behta hoon dhhalta jaata hoon
Saraye bood mein behta hoon dhhalta jaata hoon
Koi bulata nahin aur mein chalta jaata hoon
Abhi wahin ka wahin hoon badan ki ghaat pe mein
Hazar paani pe paani badalta jaata hoon
Bahut ruki hui shaamon mein chal raha hoon kahin
Bahut bujhe hue logon mein jalta jaata hoon
Hijab-e-aab-o-hawa se hata sakun shayad
Mein dast-o-pa pe jo mitti si milta jaata hoon
Abhi mein theek kahin bhi bapa nahin hota
So wahshatein hi nibhata hoon talta jaata hoon
Koi makaan hai jo be-dakhl kar raha hai mujhe
Koi gali hai ke jis se nikalta jaata hoon
Yeh khwab dekhne walon ka qafila hai so mein
Isi ghubar mein chup chaap chalta jaata hoon
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں