شاید اپنے ساتھ پھر میرا گزارہ ہو سکے — شاہین عباس
شاعر
شاید اپنے ساتھ پھر میرا گزارہ ہو سکے
شاید اپنے ساتھ پھر میرا گزارہ ہو سکے
منتقل مجھ میں اگر وہ شخص سارا ہو سکے
آنے والوں کی جگہ بھی عشق کر جائیں کہ یوں
ہجر اگلے موسموں کا بھی ہمارا ہو سکے
میں کنار شام بیٹھا منتظر ہوں آج بھی
تیرے جیسی روشنی شاید دوبارہ ہو سکے
یوں نہ ہو میں اپنی گہرائی میں گم کر دوں تجھے
جا کنارہ کر اگر مجھ سے کنارہ ہو سکے
آؤ مل کر آسماں کی سمت دیکھیں اس طرح
جو ستارہ تھا کبھی وہ پھر ستارہ ہو سکے
درمیاں کے سب زمانے ہم گزار آئے کہ یوں
ایک سا عالم ہمارا اور تمہارا ہو سکے
Shāyad apne saath phir merā guzārā ho sake
Shāyad apne saath phir merā guzārā ho sake
Muntaqil mujh meñ agar vo shaḳhs saara ho sake
Aane vāloñ kī jagah bhī ishq kar jaa.eñ ki yuñ
Hijr agle mausamoñ kā bhī hamārā ho sake
Maiñ kinār-e-shām baiThā muntazir huñ aaj bhī
Tere jaisī raushnī shāyad dobāra ho sake
Yuñ na ho maiñ apnī gahrā.ī meñ gum kar duñ tujhe
Jā kināra kar agar mujh se kināra ho sake
Aao mil kar āsmāñ kī simt dekheñ is tarah
Jo sitāra thā kabhī vo phir sitāra ho sake
Darmiyāñ ke sab zamāne ham guzār aa.e ki yuñ
Ek sā ālam hamārā aur tumhārā ho sake
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں