شب گزاری کا مجھے بھی ہنر آیا ہے کوئی — شاہین عباس
شاعر
شب گزاری کا مجھے بھی ہنر آیا ہے کوئی
شب گزاری کا مجھے بھی ہنر آیا ہے کوئی
میرے ماتھے پہ ستارہ ابھر آیا ہے کوئی
جیسے اس قافلۂ نم سے کوئی رہ گیا ہو
رنج کرتا ہوا دریا ادھر آیا ہے کوئی
میری آنکھوں کا تسلسل تری آنکھیں ہی نہ ہوں
تیری آنکھوں میں بھی روتا نظر آیا ہے کوئی
اپنے مہمان کی خاموشی بھی اب توڑ ذرا
دیکھ دنیا تری آواز پر آیا ہے کوئی
یہ بتانا ذرا مشکل ہے کہ دیکھا کیوں ہے
میں نے دیکھا ہے جہاں تک نظر آیا ہے کوئی
میں بھی خوش ہوں مرے شعلے میں تماشہ تو ہوا
روشنی دیکھ کے مجھ میں اتر آیا ہے کوئی
Shab guzari ka mujhe bhi hunar aaya hai koi
Shab guzari ka mujhe bhi hunar aaya hai koi
Mere mathe pe sitara ubhar aaya hai koi
Jaise is qafile nam se koi rah gaya ho
Ranj karta hua darya idhar aaya hai koi
Meri aankhon ka tasalsul teri aankhein hi na hon
Teri aankhon mein bhi rota nazar aaya hai koi
Apne mehman ki khamushi bhi ab tod zara
Dekh duniya teri aawaz par aaya hai koi
Ye batana zara mushkil hai ke dekha kyun hai
Main ne dekha hai jahan tak nazar aaya hai koi
Main bhi khush hoon mere shole mein tamasha to hua
Roshni dekh ke mujh mein utar aaya hai koi
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں