شعلۂ جاں مرے پیکر سے نکل آیا ہے — شاہین عباس
شاعر
شعلۂ جاں مرے پیکر سے نکل آیا ہے
شعلۂ جاں مرے پیکر سے نکل آیا ہے
وہ جو نکلا ہی نہ تھا گھر سے نکل آیا ہے
روز و شب ایک نئے وقت نگر کی دھن میں
دل شب و روز کے چکر سے نکل آیا ہے
آج کی رات چراغوں کے بہکنے کا سبب
اک ستارہ ہے جو محور سے نکل آیا ہے
خواب ہر آن سلامت کہ انہیں کے دم سے
سب کا سب زاد سفر گھر سے نکل آیا ہے
ہم کہ جس عالم نادیدہ کو کم جانتے تھے
کام اسی دور کے منظر سے نکل آیا ہے
دل نے دیوار اٹھا دی ہے برا ہو دل کا
ایک گھر اور اسی گھر سے نکل آیا ہے
Sho'la-e-jaa.n mire paikar se nikal aaya hai
Sho'la-e-jaa.n mire paikar se nikal aaya hai
Vo jo niklā hī na thā ghar se nikal aaya hai
Roz-o-shab ek na.e vaqt nagar kī dhun meñ
Dil shab-o-roz ke chakkar se nikal aaya hai
Aaj kī raat charāġhoñ ke bahakne kā sabab
Ik sitāra hai jo mahvar se nikal aaya hai
Khvaab har aan salāmat ki inhīñ ke dam se
Sab kā sab zād-e-safar ghar se nikal aaya hai
Ham ki jis ālam-e-nādīda ko kam jaante the
Kaam usī daur ke manzar se nikal aaya hai
Dil ne dīvār uThā dī hai burā ho dil kā
Ek ghar aur usī ghar se nikal aaya hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں