سیاہی گرتی رہے اور دیا خراب نہ ہو — شاہین عباس
شاعر
سیاہی گرتی رہے اور دیا خراب نہ ہو
سیاہی گرتی رہے اور دیا خراب نہ ہو
یہ طاق چشم اب اتنا بھی کیا خراب نہ ہو
ہر آنے والا اسی طرح سے تجھے چاہے
مری بنائی ہوئی یہ فضا خراب نہ ہو
ازل ابد میں ٹھنی ہے سو میں نکلتا ہوں
مری کڑی سے ترا سلسلہ خراب نہ ہو
ہم اس ہوا سے تو کہتے ہیں کیوں بجھایا چراغ
کہیں چراغ کی اپنی ہوا خراب نہ ہو
میں اپنی شرط پہ آیا تھا اس خرابے میں
سو میرے ساتھ کوئی دوسرا خراب نہ ہو
مری خرابی کو یکجا کرو کہیں نہ کہیں
مرا معاملہ اب جا بہ جا خراب نہ ہو
خراب ہوں بھلے اس اشتہا میں ہم اور تم
پر ایک دوسرے کا ذائقہ خراب نہ ہو
Siyahi girti rahe aur diya kharab na ho
Siyahi girti rahe aur diya kharab na ho
Yeh taaq-e-chashm ab itna bhi kya kharab na ho
Har aane wala isi tarah se tujhe chaahe
Meri banai hui yeh faza kharab na ho
Azal abad mein thuni hai so main nikalta hoon
Meri kadi se tera silsila kharab na ho
Hum us hawa se to kehte hain kyon bujhaya chiragh
Kahin chiragh ki apni hawa kharab na ho
Main apni shart pe aaya tha is kharaabe mein
So mere saath koi doosra kharab na ho
Meri kharabi ko yakja karo kahin na kahin
Mera maamla ab ja ba ja kharab na ho
Kharab hon bhale is ishteha mein hum aur tum
Par ek doosre ka zaaiqa kharab na ho
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں