سخن کچھ ایسے لہو کے لبوں سے نکلے ہیں — شاہین عباس
شاعر
سخن کچھ ایسے لہو کے لبوں سے نکلے ہیں
سخن کچھ ایسے لہو کے لبوں سے نکلے ہیں
خود آگہی میں ہم اپنی حدوں سے نکلے ہیں
کوئی بتاؤ یہ نیرنگیٔ نمو کیا ہے
چبھے جو پاؤں میں کانٹے سروں سے نکلے ہیں
یہ دھوپ ایسی کہ ہم نقش جس پہ نام بنام
یہ دشت وہ ہیں جو اپنے گھروں سے نکلے ہیں
ہم اور محور جاں کا یہ دور خاک بہ خاک
ستارہ گر بھی کبھی گردشوں سے نکلے ہیں
شبیہ گر ہیں کچھ ایسے کہ ہم برون بدن
بس ایک ضو کو لئے سو رخوں سے نکلے ہیں
یہ تہ بہ تہ جو زمانے زمیں کے اندر ہیں
سنور سنور کے ہم ان کی صفوں سے نکلے ہیں
Sukhan kuchh aise lahu ke laboñ se nikle haiñ
Sukhan kuchh aise lahu ke laboñ se nikle haiñ
Ḵẖud āgahī mein ham apnī hadoñ se nikle haiñ
Koī batā'o ye nayrañgī-e-numū kyā hai
Chubhe jo pā'oñ mein kānṭe saroñ se nikle haiñ
Ye dhūp aisī ki ham naqsh jis pe nām ba nām
Ye dasht vo haiñ jo apne gharoñ se nikle haiñ
Ham aur mehvar-e-jāñ kā ye daur ḵẖāk ba ḵẖāk
Sitāra gar bhī kabhī gardishoñ se nikle haiñ
Shabīh gar haiñ kuchh aise ki ham barūn-e-badan
Bas ek ẓau ko li'e sau ruḵẖoñ se nikle haiñ
Ye teh ba teh jo zamāne zamīñ ke andar haiñ
Sanwar sanwar ke ham un kī saffoñ se nikle haiñ
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں