تیری خاموشی کو آنکھوں سے لگائے ہوئے ہیں — شاہین عباس
شاعر
تیری خاموشی کو آنکھوں سے لگائے ہوئے ہیں
تیری خاموشی کو آنکھوں سے لگائے ہوئے ہیں
روبرو ہم تری تصویر کے آئے ہوئے ہیں
دو الگ وقتوں میں اک ساتھ دھڑکتے ہوئے دل
اے زمیں تیرے کناروں کو ملائے ہوئے ہیں
وہ جو دیکھے سے بھی دیکھے نہیں جاتے وہی خواب
میرے دیکھے ہوئے ہیں تیرے دکھائے ہوئے ہیں
آنکھ ایسے ہے کہ جیسے ابھی آتا ہے کوئی
ہاتھ ایسے ہیں کہ بس پھول اٹھائے ہوئے ہیں
نقش دل پر ہے کہ دیوار پہ معلوم نہیں
یوں بنانے کو تو تصویر بنائے ہوئے ہیں
باغ دل دیکھنے والا ہے کہ اس باغ کے ہم
پھول ہیں اور بہاروں کے رلائے ہوئے ہیں
تم کہ آئندہ کی صورت میں تھے اوجھل اوجھل
ہم تمہیں لمحۂ موجود میں لائے ہوئے ہیں
عشق یہ اور کسی کا تھا جو کرنا پڑا ہے
ہم کسی اور کا سامان اٹھائے ہوئے ہیں
Teri khamoshi ko aankhon se lagaye hue hain
Teri khamoshi ko aankhon se lagaye hue hain
Rubaru hum teri tasveer ke aaye hue hain
Do alag waqton mein ek saath dhadakte hue dil
Aye zameen tere kinaron ko milaye hue hain
Woh jo dekhe se bhi dekhe nahin jaate wahi khwab
Mere dekhe hue hain tere dikhaye hue hain
Aankh aise hai ke jaise abhi aata hai koi
Haath aise hain ke bas phool uthaye hue hain
Naqsh dil par hai ke deewar pe maloom nahin
Yun banane ko to tasveer banaye hue hain
Bagh-e-dil dekhne wala hai ke us bagh ke hum
Phool hain aur baharon ke rulaye hue hain
Tum ke aainda ki surat mein the ojhal ojhal
Hum tumhein lamha-e-maujood mein laye hue hain
Ishq yeh aur kisi ka tha jo karna pada hai
Hum kisi aur ka samaan uthaye hue hain
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں