تجھ میں کتنا گم ہوں اور کتنا نظر آتا ہوں میں — شاہین عباس
شاعر
تجھ میں کتنا گم ہوں اور کتنا نظر آتا ہوں میں
تجھ میں کتنا گم ہوں اور کتنا نظر آتا ہوں میں
آتا جاتا آئنوں کو منہ دکھا جاتا ہوں میں
اس کے بعد اگلی قیامت کیا ہے کس کو ہوش ہے
زخم سہلاتا تھا اور اب داغ دکھلاتا ہوں میں
نقش بر دیوار ہوں اور بات کر سکتا نہیں
ایسی حالت میں بھی جو کہتا ہوں منواتا ہوں میں
خاکساری ہی نہیں یہ غم گساری بھی تو ہے
پاؤں رکھتا ہوں جہاں مٹی اٹھا لاتا ہوں میں
حرف کے آوازۂ آخر کو کر دیتا ہوں نظم
شعر کیا کہتا ہوں خاموشی کو پھیلتا ہوں میں
دن ڈھلے کچھ دیر ڈھل جاتا بھی ہوں سورج کے ساتھ
شام ہوتے ہی چراغوں سے ابھر آتا ہوں میں
Tujh mein kitna gum hoon aur kitna nazar aata hoon main
Tujh mein kitna gum hoon aur kitna nazar aata hoon main
Aata jaata aainon ko munh dikha jaata hoon main
Is ke baad agli qayamat kya hai kis ko hosh hai
Zakhm sehlata tha aur ab daagh dikhlata hoon main
Naqsh bar deewar hoon aur baat kar sakta nahin
Aisi haalat mein bhi jo kehta hoon manwata hoon main
Khaaksari hi nahin yeh gham-gusaari bhi to hai
Paon rakhta hoon jahan mitti utha laata hoon main
Harf ke aawaza aakhir ko kar deta hoon nazm
Sher kya kehta hoon khamoshi ko phailata hoon main
Din dhale kuch der dhal jaata bhi hoon sooraj ke saath
Shaam hote hi charaghon se ubhar aata hoon main
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں