تجھ میں کتنا گم ہوں اور کتنا نظر آتا ہوں میں — شاہین عباس
شاعر
تجھ میں کتنا گم ہوں اور کتنا نظر آتا ہوں میں
تجھ میں کتنا گم ہوں اور کتنا نظر آتا ہوں میں
آتے جاتے آئنوں کو منہ دکھا جاتا ہوں میں
اس کے بعد اگلی قیامت کیا ہے اگلا کام کیا
زخم سہلاتا تھا اور اب داغ دکھلاتا ہوں میں
انگلیوں پر پھول گن گن کر یہ نوبت آ گئی
اپنی پوروں کو بھی اب پھولوں میں گن جاتا ہوں میں
دن ڈھلے کچھ دیر ڈھل جاتا بھی ہوں سورجؔ کے ساتھ
شام ہوتے ہی چراغوں سے ابھر آتا ہوں میں
خاکساری ہی نہیں یہ غم گساری بھی تو ہے
پاؤں رکھتا ہوں جہاں مٹی اٹھا لاتا ہوں میں
جانے یہ معمار میرے ساتھ کر جائیں گے کیا
خود کھڑا سر پر مکان خواب بنواتا ہوں میں
اک زمینی آسمانی نم میں ہوں بھیگا ہوا
ایسی کیا ارض و سما سے بات منواتا ہوں میں
Tujh mein kitna gum huuñ aur kitna nazar aatā huuñ maiñ
Tujh mein kitna gum huuñ aur kitna nazar aatā huuñ maiñ
Āte jaate ā'īnoñ ko muñh dikhā jātā huuñ maiñ
Is ke baʿd aglī qayāmat kyā hai aglā kaam kyā
Zakhm sehlātā thā aur ab dāg̠h dikhlātā huuñ maiñ
Uñgliyoñ par phool gin gin kar ye naubat ā ga'ī
Apnī pūroñ ko bhī ab phūloñ mein gin jātā huuñ maiñ
Din ḍhale kuchh der ḍhal jātā bhī huuñ Sūraj ke sāth
Shām hote hī chirāg̠hoñ se ubhar aatā huuñ maiñ
Ḵẖāksārī hī nahīñ ye g̠ham-gusārī bhī to hai
Pā'ūñ rakhtā huuñ jahāñ miṭṭī uṭhā lātā huuñ maiñ
Jaane ye maʿmār mere sāth kar jā'eñge kyā
Ḵẖud khaṛā sar par makān-e-ḵẖwāb banwātā huuñ maiñ
Ik zamīnī āsmānī nam mein huuñ bhīgā huā
Aisī kyā arz-o-samā se baat manwātā huuñ maiñ
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں