اوپر جو پرند گا رہا ہے — شاہین عباس
شاعر
اوپر جو پرند گا رہا ہے
اوپر جو پرند گا رہا ہے
نیچے کا مذاق اڑا رہا ہے
مٹی کا بنایا نقش اس نے
اب نقش کا کیا بنا رہا ہے
گھر بھر کو یہ طاقچہ مبارک
خود چل کے چراغ آ رہا ہے
اب دوری حضوری کیا ہے صاحب
بس جسم کو جسم کھا رہا ہے
یہ وقت کا خاص آدمی تھا
بے وقت جو گھر کو جا رہا ہے
اب میں نہیں راہ میں تو رستہ
میری جگہ خاک اڑا رہا ہے
اول وہ غلط بنانے والا
آخر کو غلط مٹا رہا ہے
وہ قافلہ آ سکا نہیں کیوں
رستہ بھی تو واں سے آ رہا ہے
Upar jo parind ga raha hai
Upar jo parind ga raha hai
Neeche ka mazaaq uṛa raha hai
Mitti ka banaya naqsh us ne
Ab naqsh ka kya bana raha hai
Ghar bhar ko yeh taaqcha mubarak
Khud chal ke charaagh aa raha hai
Ab doori huzoori kya hai sahib
Bas jism ko jism kha raha hai
Yeh waqt ka khas aadmi tha
Be-waqt jo ghar ko ja raha hai
Ab main nahin rah mein to rasta
Meri jagah khak uṛa raha hai
Awwal woh ghalat banane wala
Aakhir ko ghalat miṭa raha hai
Woh qafla aa saka nahin kyun
Rasta bhi to waan se aa raha hai
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں