اس کی آنکھوں میں ہماری شاعری گم ہو گئی — شاہین عباس
شاعر
اس کی آنکھوں میں ہماری شاعری گم ہو گئی
اس کی آنکھوں میں ہماری شاعری گم ہو گئی
روشنی کی آڑ میں سب روشنی گم ہو گئی
وہ گلی جو داستانوں ہی میں گم ہوتی تھی بس
چلتے چلتے آج ہم سے واقعی گم ہو گئی
ہم کہ ویرانوں کے گم کردہ تھے لیکن ایک شام
ہم میں ویرانی قریب و دور کی گم ہو گئی
باغ دل اس بار کس رفتار سے خالی ہوا
پھول میرے گم ہوئے خوشبو تری گم ہو گئی
دو کنارے خامشی کے ایک ہم اور ایک تم
درمیاں جس جس کی بھی آواز تھی گم ہو گئی
جو بھی تھے نقش نوا کے دو امانت دار تھے
دل بھی اوجھل ہو گیا دیوار بھی گم ہو گئی
شام اور ہم پتیاں چنتے رہے بے کار میں
خواب کی خوشبو تمہارے ساتھ ہی گم ہو گئی
Uss ki aankhon mein hamari shaayari gum ho gayi
Uss ki aankhon mein hamari shaayari gum ho gayi
Roshni ki aad mein sab roshni gum ho gayi
Woh gali jo dastanon hi mein gum hoti thi bas
Chalte chalte aaj hum se waqai gum ho gayi
Hum ke veeranon ke gum karda the lekin ek shaam
Hum mein veerani qareeb-o-door ki gum ho gayi
Bagh-e-dil is baar kis raftaar se khaali hua
Phool mere gum hue khushboo teri gum ho gayi
Do kinare khamoshi ke ek hum aur ek tum
Darmiyan jis jis ki bhi aawaz thi gum ho gayi
Jo bhi the naqsh-e-nawa ke do amanat-daar the
Dil bhi ojhal ho gaya deewar bhi gum ho gayi
Shaam aur hum pattiyan chunte rahe be-kaar mein
Khwab ki khushboo tumhare saath hi gum ho gayi
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں