یوں ہی چلتے چلتے فنا کے نہج پہ آ گیا — شاہین عباس
شاعر
یوں ہی چلتے چلتے فنا کے نہج پہ آ گیا
یوں ہی چلتے چلتے فنا کے نہج پہ آ گیا
میں وہ آئنہ تھا جو عکس بنتا چلا گیا
کسی اور دشت کی سمت ہاتھ بڑھائے تھے
کوئی اور دشت سمٹ کے بانہوں میں آ گیا
میں بس ایک جسم سا رہ گیا تجھے بھول کر
یہ وہ موڑ تھا جہاں دل بھی ہاتھ چھڑا گیا
کوئی دھول سی ہمہ وقت میری جلو میں تھی
کوئی دشت سا مرے ساتھ چلتا چلا گیا
مرے پاؤں جم نہیں پائے پھر مرے دل سے دور
میں جو دل میں خاک اڑا گیا سو اڑا گیا
مجھے شام بن کے خیال رکھنا تھا شام کا
سو یہ دن ڈھلا تو میں ساتھ ڈھلتا چلا گیا
تجھے بے سبب نہیں دیکھتے تھے یہ لوگ سب
تجھے دیکھ کر انہیں دیکھنا بھی تو آ گیا
Yoon hi chalte chalte fana ke nahaj pe aa gaya
Yoon hi chalte chalte fana ke nahaj pe aa gaya
Main woh aaina tha jo aks banta chala gaya
Kisi aur dasht ki simt haath badhaye the
Koi aur dasht simat ke baanhon mein aa gaya
Main bas ek jism sa reh gaya tujhe bhool kar
Ye woh mod tha jahan dil bhi haath chhura gaya
Koi dhool si hama waqt meri jalw mein thi
Koi dasht sa mere saath chalta chala gaya
Mere paaon jam nahin paaye phir mere dil se door
Main jo dil mein khaak uda gaya so uda gaya
Mujhe shaam ban ke khayal rakhna tha shaam ka
So ye din dhala to main saath dhalta chala gaya
Tujhe be-sabab nahin dekhte the ye log sab
Tujhe dekh kar unhein dekhna bhi to aa gaya
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں