زمیں کا آخری منظر دکھائی دینے لگا — شاہین عباس
شاعر
زمیں کا آخری منظر دکھائی دینے لگا
زمیں کا آخری منظر دکھائی دینے لگا
میں دیکھتا ہوا پتھر دکھائی دینے لگا
وہ سامنے تھا تو کم کم دکھائی دیتا تھا
چلا گیا تو برابر دکھائی دینے لگا
نشان ہجر بھی ہے وصل کی نشانیوں میں
کہاں کا زخم کہاں پر دکھائی دینے لگا
وہ اس طرح سے مجھے دیکھتا ہوا گزرا
میں اپنے آپ کو بہتر دکھائی دینے لگا
تجھے خبر ہی نہیں رات معجزہ جو ہوا
اندھیرے کو، تجھے چھو کر، دکھائی دینے لگا
کچھ اتنے غور سے دیکھا چراغ جلتا ہوا
کہ میں چراغ کے اندر دکھائی دینے لگا
پہنچ گیا تری آنکھوں کے اس کنارے تک
جہاں سے مجھ کو سمندر دکھائی دینے لگا
Zamīñ kā āḳhirī manzar dikhā.ī dene lagā
Zamīñ kā āḳhirī manzar dikhā.ī dene lagā
Maiñ dekhtā huā patthar dikhā.ī dene lagā
Vo sāmne thā to kam kam dikhā.ī detā thā
Chalā gayā to barābar dikhā.ī dene lagā
Nishān-e-hijr bhī hai vasl kī nishāniyōñ meñ
Kahāñ kā zaḳhm kahāñ par dikhā.ī dene lagā
Vo is tarah se mujhe dekhtā huā guzrā
Maiñ apne aap ko behtar dikhā.ī dene lagā
Tujhe ḳhabar hī nahīñ raat mo'jiza jo huā
Añdhere ko, tujhe chhū kar, dikhā.ī dene lagā
Kuchh itne ghaur se dekhā chirāgh jaltā huā
Ki maiñ chirāgh ke andar dikhā.ī dene lagā
Pahuñch gayā tirī āñkhōñ ke us kināre tak
Jahāñ se mujh ko samundar dikhā.ī dene lagā
شاعر کے بارے میں
ِشاہین عباس 29 نومبر 1965 کو شیخوپورہ، پنجاب میں پیدا ہوئے اور انہوں نے یونیورسٹی آف انجینئرنگ اینڈ ٹیکنالوجی لاہور سے تعلیم حاصل کی۔ وہ پیشے کے ...
مکمل تعارف پڑھیں