میرے مولا عطا کر تخیل گری میرے غربت کدہ دے صنم آوناں ایںمصل فردوس دھرتی دا سینہ ہوے بے نظر کول نظر کرم آوناں ایں
پربتاں دی بلندی نوں بدل چومن کجھ معطر فضا وچ موسیقی ہوےتارے لڑیاں دی صورت ڈھون عرش توں ہر سجاوٹ دے وچ ہر باریکی ہوئے
رنگ برنگی ہواوں دا آنچل ہوے موج فطرت دا منظر حقیقی ہوئےہر ہتھیلی تے چندن دی مہندی ہوئے لیک تخت سکندر دی لیکی ہوئے
ہر زبان تے اعلان بشارت ہوئے اوہنا آوناں ایں خدا دی قسم آوناں ایںمیرے مولا عطا کر تخیل گری میرے غربت کدہ دے صنم آوناں ایں
ہر شجر تے ثمر لعل و دہر دسن پتے پتے تے تصویر اوندھی ہووےموسماں نوں شراب طہورا ملے دل دے کاغذ تے تحریر اوندھی ہووے
نقشہ جنت دا رب نوں بدلنا پووے ایسی نایاب جاگیر اوندھی ہووےزلفاں بکھرن ہوا وچ فسانہ لکھن ہر فسانے دی تفسیراوندھی ہووے
او مٹی تاہیں تاں میں تینوں چمینداں پیاں تیں تے فخر حسن دا قدم آوناں ایںمیرے مولا عطا کر تخیل گری میرے غربت کدہ دے صنم آوناں ایں
خضرلمبی حیاتی توں باغی دسے اوس گھڑی دا مودب نمازی دسےعشق ہٹ کے بزرگی توں گبھرو دسے سوچ کیچم دے صحرا دی غازی دسے
تتلیاں دی قطاراں اوندھا نام لکھن گل حقیقی ہووے رنگ مجازی دسےٹھمریاں بھیروی کافیاں دادرے ساز دھیمے ہوون بے نیازی دسے
او دل بے قابو نہ ہوورنہ مینوں جاندا ایں بے بھرم کول صاحب بھرم آونا ایںمیرے مولا عطا کر تخیل گری میرے غربت کدہ دے صنم آوناں ایں
میرے ہتھ وچ حیاتی دا سہرا ہووے اوہنوں پاون دا غیبوں اشارہ ہووےاوس خوشی وچ میرا دل ترکڑا رہووے زوق دیدار وچ ہر نظارہ ہووے
مخملیں باہیں آ کے جدوں گل پون با خدا ہور کوئی نہ سہارا ہووےسامنے تیرے عابد کھلوتا ہووے تیری صورت دا پڑھدا سپارہ ہووے
میرا ماضی توں میرا مصلہ بنے اوس عبادت دا ویکھن عزم آونا ایںمیرے مولا عطا کر تخیل گری میرے غربت کدہ دے صنم آوناں ایں
— عابد تمیمی
Mere Maula ata kar takhayyul giri mere ghurbat kada de sanam aawaan ainMasal firdaus dharti da seena howe be nazar kol nazar-e-karam aawaan ain
Parbataan di bulandi noon badal chooman kujh muattar fiza wich mausiki howeTaare lariyan di surat dhawaan arsh toon har sajawat de wich har bareeki howe
Rang birangi hawaawan da aanchal howe mauj fitrat da manzar haqeeqi howeHar hatheli te chandan di mehndi howe leek takht Sikandar di leeki howe
Har zabaan te elaan bashaarat howe ohna aawaan ain Khuda di qasam aawaan ainMere Maula ata kar takhayyul giri mere ghurbat kada de sanam aawaan ain
Har shajar te samar laal o dehar dasan patte patte te tasveer undhi howeMausam'aan noon sharaab-e-tahoora mile dil de kaaghaz te tehreer undhi howe
Naqsha jannat da Rab noon badalna poove aisi nayab jaageer undhi howeZulfan bikhran hawa wich fasana likhan har fasane di tafseer undhi howe
Oh mitti taahin taan main tainoon chuminda pyaan tain te fakhr-e-husn da qadam aawaan ainMere Maula ata kar takhayyul giri mere ghurbat kada de sanam aawaan ain
Khizr lambi hayaati toon baaghi dasse os ghari da muaddab namazi dasseIshq hat ke buzurgi toon gabharoo dasse soch kicham de sehra di ghazi dasse
Tittliyaan di qataaran undha naam likhan gul haqeeqi howe rang majazi dasseThumriyaan bhairvi kaafiyaan daadre saaz dheeme howan be-niyazi dasse
Oh dil be-qaaboo na howe warna mainoon jaanda ain be-bharum kol sahib-e-bharum aawaan ainMere Maula ata kar takhayyul giri mere ghurbat kada de sanam aawaan ain
Mere hath wich hayaati da sehra howe ohnon paawan da ghaibon ishaara howeOs khushi wich mera dil tarkada rahowe zauq-e-deedar wich har nazaara howe
Makhmalein baahein aa ke jadon gal paun ba Khuda hor koi na sahara howeSaamne tere Aabid khilota howe teri surat da parhda sipara howe
Mera maazi toon mera musalla bane os ibaadat da vekhan azam aawaan ainMere Maula ata kar takhayyul giri mere ghurbat kada de sanam aawaan ain