ایسا بھی نہیں اس سے ملا دے کوئی آ کر — عدیم ہاشمی
شاعر
ایسا بھی نہیں اس سے ملا دے کوئی آ کر
ایسا بھی نہیں اس سے ملا دے کوئی آ کر
کیسا ہے وہ اتنا تو بتا دے کوئی آ کر
یہ بھی تو کسی ماں کا دلارا کوئی ہوگا
اس قبر پہ بھی پھول چڑھا دے کوئی آ کر
سوکھی ہیں بڑی دیر سے پلکوں کی زبانیں
بس آج تو جی بھر کے رلا دے کوئی آ کر
برسوں کی دعا پھر نہ کہیں خاک میں مل جائے
یہ ابر بھی آندھی نہ اڑا دے کوئی آ کر
یہ کوہ یہ سبزہ یہ مچلتی ہوئی ندیاں
مر جاؤں جو منزل کا پتا دے کوئی آ کر
ہر گھر پہ ہے آواز ہر اک در پہ ہے دستک
بیٹھا ہوں کہ مجھ کو بھی صدا دے کوئی آ کر
اس خواہش ناکام کا خوں بھی مرے سر ہے
زندہ ہوں کہ اس کی بھی سزا دے کوئی آ کر
Aisa bhi nahin us se mila de koi aa kar
Aisa bhi nahin us se mila de koi aa kar
Kaisa hai woh itna to bata de koi aa kar
Ye bhi to kisi maa ka dulara koi hoga
Is qabr pe bhi phool chadha de koi aa kar
Sookhi hain badi der se palkon ki zubaanein
Bas aaj to ji bhar ke rula de koi aa kar
Barson ki dua phir na kahin khaak mein mil jaaye
Ye abr bhi aandhi na uda de koi aa kar
Ye koh ye sabza ye machalti hui nadiyaan
Mar jaaoon jo manzil ka pata de koi aa kar
Har ghar pe hai awaaz har ek dar pe hai dastak
Baitha hoon ke mujh ko bhi sada de koi aa kar
Is khwahish-e-nakaam ka khoon bhi mere sar hai
Zinda hoon ke is ki bhi saza de koi aa kar
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں