تمام عمر کی تنہائی کی سزا دے کر — عدیم ہاشمی
شاعر
تمام عمر کی تنہائی کی سزا دے کر
تمام عمر کی تنہائی کی سزا دے کر
تڑپ اٹھا مرا منصف بھی فیصلہ دے کر
میں اب مروں کہ جیوں مجھ کو یہ خوشی ہے بہت
اسے سکوں تو ملا مجھ کو بد دعا دے کر
میں اس کے واسطے سورج تلاش کرتا ہوں
جو سو گیا مری آنکھوں کو رت جگا دے کر
وہ رات رات کا مہماں تو عمر بھر کے لیے
چلا گیا مجھے یادوں کا سلسلہ دے کر
جو وا کیا بھی دریچہ تو آج موسم نے
پہاڑ ڈھانپ دیا ابر کی ردا دے کر
کٹی ہوئی ہے زمیں کوہ سے سمندر تک
ملا ہے گھاؤ یہ دریا کو راستہ دے کر
چٹخ چٹخ کے جلی شاخ شاخ جنگل کی
بہت شرار ملا آگ کو ہوا دے کر
پھر اس کے بعد پہاڑ اس کو خود پکاریں گے
تو لوٹ آ اسے وادی میں اک صدا دے کر
ستون ریگ نہ ٹھہرا عدیمؔ چھت کے تلے
میں ڈھ گیا ہوں خود اپنے کو آسرا دے کر
Tamaam umr ki tanhaai ki saza de kar
Tamaam umr ki tanhaai ki saza de kar
Tadap utha mera munsif bhi faisla de kar
Main ab maroon ke jiyoon mujh ko ye khushi hai bahut
Use sukoon to mila mujh ko bad-dua de kar
Main us ke waaste suraj talaash karta hoon
Jo so gaya meri aankhon ko rat-jaga de kar
Woh raat raat ka mehman to umr bhar ke liye
Chala gaya mujhe yaadon ka silsila de kar
Jo waa kiya bhi dareecha to aaj mausam ne
Pahaad dhaamp diya abr ki rida de kar
Kati hui hai zameen koh se samandar tak
Mila hai ghaao ye darya ko raasta de kar
Chatakh chatakh ke chali shaakh shaakh jangal ki
Bahut sharaar mila aag ko hawa de kar
Phir us ke baad pahaad us ko khud pukarein ge
Tu laut aa use waadi mein ek sada de kar
Sutoon-e-regh na thehra Adeem chhat ke tale
Main dha gaya hoon khud apne ko aasra de kar
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں