کوئی پتھر کوئی گہر کیوں ہے — عدیم ہاشمی
شاعر
کوئی پتھر کوئی گہر کیوں ہے
کوئی پتھر کوئی گہر کیوں ہے
فرق لوگوں میں اس قدر کیوں ہے
تو ملا ہے تو یہ خیال آیا
زندگی اتنی مختصر کیوں ہے
جب تجھے لوٹ کر نہیں آنا
منتظر میری چشم تر کیوں ہے
اس کی آنکھیں کہیں صدف تو نہیں
اس کا ہر اشک ہی گہر کیوں ہے
رات پہلے ہی کیوں نہیں ڈھلتی
تیرگی شب کی تا سحر کیوں ہے
یہ بھی کیسا عذاب دے ڈالا
ہے محبت تو اس قدر کیوں ہے
تو نہیں ہے تو روز و شب کیسے
شام کیوں آ گئی سحر کیوں ہے
کیوں روانہ ہے ہر گھڑی دنیا
زندگی مستقل سفر کیوں ہے
میں تو اک مستقل مسافر ہوں
تو بھلا میرا ہم سفر کیوں ہے
تجھے ملنا نہیں کسی سے عدیمؔ
پھر بچھڑنے کا تجھ کو ڈر کیوں ہے
Koi patthar koi gauhar kyun hai
Koi patthar koi gauhar kyun hai
Farq logon mein is qadar kyun hai
Tu mila hai to ye khayaal aaya
Zindagi itni mukhtasar kyun hai
Jab tujhe laut kar nahin aana
Muntazir meri chashm-e-tar kyun hai
Us ki aankhen kahin sadaf to nahin
Us ka har ashk hi gauhar kyun hai
Raat pehle hi kyun nahin dhalti
Teergi shab ki ta sahar kyun hai
Ye bhi kaisa azaab de daala
Hai mohabbat to is qadar kyun hai
Tu nahin hai to roz-o-shab kaise
Shaam kyun aa gayi sahar kyun hai
Kyun rawaana hai har ghadi duniya
Zindagi mustaqil safar kyun hai
Main to ek mustaqil musafir hoon
Tu bhala mera humsafar kyun hai
Tujhe milna nahin kisi se Adeem
Phir bichhadne ka tujh ko dar kyun hai
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں