اک پل بغیر دیکھے اسے کیا گزر گیا — عدیم ہاشمی
شاعر
اک پل بغیر دیکھے اسے کیا گزر گیا
اک پل بغیر دیکھے اسے کیا گزر گیا
ایسے لگا کہ ایک زمانہ گزر گیا
سب کے لیے بلند رہے ہاتھ عمر بھر
اپنے لیے دعاؤں کا لمحہ گزر گیا
کوئی ہجوم دہر میں کرتا رہا تلاش
کوئی رہ حیات سے تنہا گزر گیا
ملنا تو خیر اس کو نصیبوں کی بات ہے
دیکھے ہوئے بھی اس کو زمانہ گزر گیا
دل یوں کٹا ہوا ہے کسی کی جدائی میں
جیسے کسی زمین سے دریا گزر گیا
اس بات کا ملال بہت ہے مجھے عدیمؔ
وہ میرے سامنے سے اکیلا گزر گیا
ہم دیکھنے کا ڈھنگ سمجھتے رہے عدیمؔ
اتنے میں زندگی کا تماشا گزر گیا
باقی بس ایک نام خدا رہ گیا عدیمؔ
سب کچھ بہا کے وقت کا دریا گزر گیا
Ek pal baghair dekhe use kya guzar gaya
Ek pal baghair dekhe use kya guzar gaya
Aise laga ke ek zamaana guzar gaya
Sab ke liye buland rahe haath umr bhar
Apne liye duaon ka lamha guzar gaya
Koi hujoom-e-dahar mein karta raha talaash
Koi rah-e-hayaat se tanha guzar gaya
Milna to khair us ko naseebon ki baat hai
Dekhe hue bhi us ko zamaana guzar gaya
Dil yoon kata hua hai kisi ki judaai mein
Jaise kisi zameen se darya guzar gaya
Is baat ka malaal bahut hai mujhe Adeem
Woh mere saamne se akela guzar gaya
Hum dekhne ka dhang samajhte rahe Adeem
Itne mein zindagi ka tamaasha guzar gaya
Baqi bas ek naam khuda rah gaya Adeem
Sab kuchh baha ke waqt ka darya guzar gaya
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں