ہم بہر حال دل و جاں سے تمہارے ہوتے — عدیم ہاشمی
شاعر
ہم بہر حال دل و جاں سے تمہارے ہوتے
ہم بہر حال دل و جاں سے تمہارے ہوتے
تم بھی اک آدھ گھڑی کاش ہمارے ہوتے
عکس پانی میں محبت کے اتارے ہوتے
ہم جو بیٹھے ہوئے دریا کے کنارے ہوتے
جو مہ و سال گزارے ہیں بچھڑ کر ہم نے
وہ مہ و سال اگر ساتھ گزارے ہوتے
کیا ابھی بیچ میں دیوار کوئی باقی ہے
کون سا غم ہے بھلا تم کو ہمارے ہوتے
آپ تو آپ ہیں خالق بھی ہمارا ہوتا
ہم ضرورت میں کسی کو نہ پکارے ہوتے
ساتھ احباب کے حاسد بھی ضروری ہیں عدیمؔ
ہم سخن اپنا سناتے جہاں سارے ہوتے
Hum bahar haal dil-o-jaan se tumhare hote
Hum bahar haal dil-o-jaan se tumhare hote
Tum bhi ek aadh ghadi kaash hamaare hote
Aks paani mein mohabbat ke utaare hote
Hum jo baithe hue darya ke kinaare hote
Jo mah-o-saal guzaare hain bichhad kar hum ne
Woh mah-o-saal agar saath guzaare hote
Kya abhi beech mein deewar koi baqi hai
Kaun sa gham hai bhala tum ko hamaare hote
Aap to aap hain khaaliq bhi hamaara hota
Hum zaroorat mein kisi ko na pukaare hote
Saath ahbaab ke haasid bhi zaroori hain Adeem
Hum sukhan apna sunaate jahaan saare hote
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں