شامل تھا یہ ستم بھی کسی کے نصاب میں — عدیم ہاشمی
شاعر
شامل تھا یہ ستم بھی کسی کے نصاب میں
شامل تھا یہ ستم بھی کسی کے نصاب میں
تتلی ملی حنوط پرانی کتاب میں
دیکھوں گا کس طرح سے کسی کو عذاب میں
سب کے گناہ ڈال دے میرے حساب میں
پھر بے وفا کو بحر محبت سمجھ لیا
پھر دل کی ناؤ ڈوب گئی ہے سراب میں
پہلے گلاب اس میں دکھائی دیا مجھے
اب وہ مجھے دکھائی دیا ہے گلاب میں
وہ رنگ آتشیں وہ دہکتا ہوا شباب
چہرے نے جیسے آگ لگا دی نقاب میں
بارش نے اپنا عکس کہیں دیکھنا نہ ہو
کیوں آئنے ابھرنے لگے ہیں حباب میں
گردش کی تیزیوں نے اسے نور کر دیا
مٹی چمک رہی ہے یہی آفتاب میں
اس سنگ دل کو میں نے پکارا تو تھا عدیمؔ
اپنی صدا ہی لوٹ کر آئی جواب میں
Shaamil tha ye sitam bhi kisi ke nisaab mein
Shaamil tha ye sitam bhi kisi ke nisaab mein
Tittli mili hanoot purani kitaab mein
Dekhoon ga kis tarah se kisi ko azaab mein
Sab ke gunaah daal de mere hisaab mein
Phir be-wafa ko bahr-e-mohabbat samajh liya
Phir dil ki naaon doob gayi hai saraab mein
Pehle gulaab us mein dikhaai diya mujhe
Ab woh mujhe dikhaai diya hai gulaab mein
Woh rang aatishin woh dahakta hua shabaab
Chehre ne jaise aag laga di naqaab mein
Baarish ne apna aks kahin dekhna na ho
Kyun aaine ubharne lage hain habaab mein
Gardish ki tezioon ne use noor kar diya
Mitti chamak rahi hai yehi aaftaab mein
Is sang-dil ko main ne pukara to tha Adeem
Apni sada hi laut kar aayi jawaab mein
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں