ایسے تری لکھی ہوئی تحریر کھو گئی — عدیم ہاشمی
شاعر
ایسے تری لکھی ہوئی تحریر کھو گئی
ایسے تری لکھی ہوئی تحریر کھو گئی
جیسے جبیں کی لوح سے تقدیر کھو گئی
پلکوں پہ آنسوؤں کے دئیے ڈھونڈتے رہے
آنکھوں سے پھر بھی خواب کی تعبیر کھو گئی
کیا تھا شکوۂ قصر پتہ ہی نہ چل سکا
ملبے کے ڈھیر میں کہیں تعمیر کھو گئی
دن رات کی تہوں میں خد و خال دب گئے
اوراق وقت میں تیری تصویر کھو گئی
زندان تعلقات کا قائم نہ رہ سکا
قیدی ملا تو پاؤں کی زنجیر کھو گئی
یہ غم نہیں جبین شکن در شکن ہے کیوں
شکنوں کے بیچ میں میری تقدیر کھو گئی
حالانکہ یہ دعا تھی مگر مانگتے ہوئے
ایسے لگا کے ہاتھ کی توقیر کھو گئی
بندھن بندھے ہوئے تھے سبھی کھل گئے عدیمؔ
مجھ سے تعلقات کی زنجیر کھو گئی
Aise teri likhi hui tehreer kho gayi
Aise teri likhi hui tehreer kho gayi
Jaise jabeen ki loh se taqdeer kho gayi
Palkon pe aansuon ke diye dhoondhte rahe
Aankhon se phir bhi khwab ki taabeer kho gayi
Kya tha shikwa-e-qasr pata hi na chal saka
Malbe ke dher mein kahin taameer kho gayi
Din raat ki tahon mein khad-o-khaal dab gaye
Auraaq-e-waqt mein teri tasveer kho gayi
Zindaan-e-talluqaat ka qaim na reh saka
Qaidi mila to paaon ki zanjeer kho gayi
Yeh gham nahin jabeen shikan dar shikan hai kyun
Shikanon ke beech mein meri taqdeer kho gayi
Haalanke yeh dua thi magar maangte hue
Aise laga ke haath ki tauqeer kho gayi
Bandhan bandhe hue the sabhi khul gaye Adeem
Mujh se talluqaat ki zanjeer kho gayi
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں