بڑا ویران موسم ہے کبھی ملنے چلے آؤ — عدیم ہاشمی
شاعر
بڑا ویران موسم ہے کبھی ملنے چلے آؤ
بڑا ویران موسم ہے کبھی ملنے چلے آؤ
ہر اک جانب تیرا غم ہے کبھی ملنے چلے آؤ
ہمارا د ل کسی گہری جدائی کے بھنور میں ہے
ہماری آنکھ بھی نم ہے کبھی ملنے چلے آؤ
میرے ہمراہ گرچہ دور تک لوگوں کی رونق ہے
مگر جیسے کوئی کم ہے کبھی ملنے چلے آؤ
تمہیں تو علم ہے میرے دلِ وحشی کے زخموں کو
تمہارا وصل مرہم ہے کبھی ملنے چلے آؤ
اندھیری رات کی گہری خموشی اور تنہا دل
دیئے کی لَو بھی مدھم ہے کبھی ملنے چلے آؤ
تمہارے روٹھ کے جانے سے ہم کو ایسا لگتا ہے
مقدر ہم سے برہم ہے کبھی ملنے چلے آؤ
ہواؤں او ر پھولوں کی نئی خوشبو بتاتی ہے
تیرے آنے کا موسم ہے کبھی ملنے چلے آؤ
Bada veeran mausam hai kabhi milne chale aao
Bada veeran mausam hai kabhi milne chale aao
Har ek jaanib tera gham hai kabhi milne chale aao
Hamara dil kisi gehri judaai ke bhanwar mein hai
Hamari aankh bhi nam hai kabhi milne chale aao
Mere hamraah garche door tak logon ki raunaq hai
Magar jaise koi kam hai kabhi milne chale aao
Tumhein to ilm hai mere dil-e-wahshi ke zakhmon ko
Tumhara vasl marham hai kabhi milne chale aao
Andheri raat ki gehri khamoshi aur tanha dil
Diye ki lau bhi madham hai kabhi milne chale aao
Tumhare rooth ke jaane se hum ko aisa lagta hai
Muqaddar hum se barham hai kabhi milne chale aao
Hawaon aur phoolon ki nayi khushboo batati hai
Tere aane ka mausam hai kabhi milne chale aao
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں