درد ہوتے ہیں کئی دل میں چھپانے کے لیے — عدیم ہاشمی
شاعر
درد ہوتے ہیں کئی دل میں چھپانے کے لیے
درد ہوتے ہیں کئی دل میں چھپانے کے لیے
سب کے سب آنسو نہیں ہوتے بہانے کے لیے
عمر تنہا کاٹ دی وعدہ نبھانے کے لیے
عہد باندھا تھا کسی نے آزمانے کے لیے
یہ قفس ہے گھر کی زیبائش بڑھانے کے لیے
یہ پرندے تو نہیں ہیں آشیانے کے لیے
کچھ دیے دیوار پر رکھنے ہیں وقت انتظار
کچھ دیے لایا ہوں پلکوں پر جلانے کے لیے
وہ بظاہر تو ملا تھا ایک لمحے کو عدیمؔ
عمر ساری چاہئے اس کو بھلانے کے لیے
لوگ زیر خاک بھی تو ڈوب جاتے ہیں عدیمؔ
اک سمندر ہی نہیں ہے ڈوب جانے کے لیے
تو پس خندہ لبی آہوں کی آوازیں تو سن
یہ ہنسی تو آئی ہے آنسو چھپانے کے لیے
کوئی غم ہو کوئی دکھ ہو درد کوئی ہو عدیمؔ
مسکرانا پڑ ہی جاتا ہے زمانے کے لیے
Dard hote hain kai dil mein chhupane ke liye
Dard hote hain kai dil mein chhupane ke liye
Sab ke sab aansu nahin hote bahane ke liye
Umr tanha kaat di waada nibhane ke liye
Ahd baandha tha kisi ne aazmane ke liye
Ye qafas hai ghar ki zebaaish badhane ke liye
Ye parinde to nahin hain aashiyane ke liye
Kuchh diye deewaar par rakhne hain waqt-e-intizaar
Kuchh diye laaya hoon palkon par jalane ke liye
Woh ba-zaahir to mila tha ek lamhe ko Adeem
Umr saari chaahiye us ko bhulane ke liye
Log zer-e-khaak bhi to doob jaate hain Adeem
Ek samandar hi nahin hai doob jaane ke liye
Tu pas-e-khanda-labi aahon ki awaazein to sun
Ye hansi to aayi hai aansu chhupane ke liye
Koi gham ho koi dukh ho dard koi ho Adeem
Muskuraana pad hi jaata hai zamane ke liye
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں