فاصلے ایسے بھی ہوں گے یہ کبھی سوچا نہ تھا — عدیم ہاشمی
شاعر
فاصلے ایسے بھی ہوں گے یہ کبھی سوچا نہ تھا
فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے او ر وہ میرا نہ تھا
وہ کہ خوشبو کی طرح پھیلا تھا میرے چار سو
میں اسے محسوس کر سکتا تھا چھو سکتا نہ تھا
رات بھر پچھلی ہی آہٹ کان میں آتی رہی
جھانک کر دیکھا گلی میں کوئی بھی آیا نہ تھا
میں تیری صورت لئے سارے زمانے میں پھرا
ساری دنیا میں مگر کوئی تیرے جیسا نہ تھا
یہ بھی سب ویرانیاں اس کے جدا ہونے سے تھیں
آنکھ دھندلائی ہوئی تھی شہر دھندلایا نہ تھا
سینکڑوں طوفان لفظوں میں دبے تھے زیر لب
ایک پتھر تھا خموشی کا کہ جو ہٹتا نہ تھا
محفلِ اہلِ و فا میں ہر طرح کے لوگ تھے
یا تیرے جیسا نہیں تھا یا میرے جیسا نہ تھا
آج اس نے در د بھی اپنے علیحدہ کر لیے
آج میں رویا تو میرے ساتھ و ہ رویا نہ تھا
یاد کر کے او ر بھی تکلیف ہوتی تھی عدؔیم
بھول جانے کے سوا اب کوئی چارہ نہ تھا
مصلحت نے اجنبی ہم کو بنایا تھا عدؔیم
ورنہ کب اک دوسرے کو ہم نے پہچانا نہ تھا
Fāsle aise bhī hoñge yeh kabhī sochā na thā
Fāsle aise bhī hoñge yeh kabhī sochā na thā
Sāmne baiṭhā thā mere aur woh merā na thā
Woh ki khushbū kī tarah phailā thā mere chār sū
Maiñ use mahsūs kar saktā thā chhu saktā na thā
Rāt bhar pichhlī hī āhaṭ kān meñ ātī rahī
Jhāñk kar dekhā galī meñ koī bhī āyā na thā
Maiñ terī sūrat liye sāre zamāne meñ phirā
Sārī duniyā meñ magar koī tere jaisā na thā
Yeh bhī sab vīrāniyāñ us ke judā hone se thīñ
Āñkh dhundlāī huī thī shahr dhundlāyā na thā
Sainkaṛoñ tūfān lafzoñ meñ dabe the zer-e-lab
Ek patthar thā khamoshī kā ki jo haṭtā na thā
Mahfil-e-ahl-e-vafā meñ har tarah ke log the
Yā tere jaisā nahīñ thā yā mere jaisā na thā
Āj us ne alīhda dard bhī apne alag kar liye
Āj maiñ royā to mere saath woh royā na thā
Yād kar kar ke aur bhī taklīf hotī thī Adīmؔ
Bhūl jaane ke sivā ab koī chāra na thā
Maslahat ne ajnabī ham ko banāyā thā Adīmؔ
Varna kab ik dūsre ko ham ne pahchānā na thā
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں