اک کھلونا ٹوٹ جائے گا نیا مل جائے گا — عدیم ہاشمی
شاعر
اک کھلونا ٹوٹ جائے گا نیا مل جائے گا
اک کھلونا ٹوٹ جائے گا نیا مل جائے گا
میں نہیں تو کوئی تجھ کو دوسرا مل جائے گا
بھاگتا ہوں ہر طرف ایسے ہوا کے ساتھ ساتھ
جس طرح سچ مچ مجھے اس کا پتا مل جائے گا
کس طرح روکو گے اشکوں کو پسِ دیوار چشم
یہ تو پانی ہے ، اسے تو راستہ مل جائے گا
ایک دن تو ختم ہو گی لفظ و معنی کی تلاش
ایک دن تو مجھ کو میرا مدعا مل جائے گا
ایک د ن تو اپنے جھوٹے خول کو توڑے گا وہ
ایک دن تو اس کا دروازہ کھلا مل جائے گا
جا رہا ہوں اس یقیں سے اس کے چھوڑے گھر کی سمت
جیسے وہ باہر گلی میں جھانکتا مل جائے گا
چھوڑ خالی گھر کو ، آ باہر چلیں گھر سے عدیم
کچھ نہیں تو کوئی چہرہ چاند سا مل جائے گا
تیز ہوتی جا رہی ہیں دھڑکنیں ایسے عدیم
جیسے اگلے موڑ پر وہ بے وفا مل جائے گا
Ik khilaunā ṭūṭ jaae gā nayā mil jaae gā
Ik khilaunā ṭūṭ jaae gā nayā mil jaae gā
Maiñ nahīñ to koī tujh ko dūsrā mil jaae gā
Bhāgtā hūñ har taraf aise havā ke saath saath
Jis tarah sach much mujhe us kā patā mil jaae gā
Kis tarah roko ge ashkoñ ko pas-e-dīvār-e-chashm
Yeh to pānī hai, ise to rāsta mil jaae gā
Ek din to khatm ho gī lafz-o-ma'nī kī talāsh
Ek din to mujhe merā mudd'a mil jaae gā
Ek din to apne jhūṭe khol ko toṛe gā woh
Ek din to us kā darvāza khulā mil jaae gā
Jā rahā hūñ is yaqīñ se us ke chhoṛe ghar kī samt
Jaise woh bāhar galī meñ jhānktā mil jaae gā
Chhoṛ khālī ghar ko, ā bāhar chaleñ ghar se Adīmؔ
Kuchh nahīñ to koī chehra chāñd sā mil jaae gā
Tez hotī jā rahī haiñ dhaṛkaneñ aise Adīmؔ
Jaise agle moṛ par woh be-vafā mil jaae gā
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں