جانے یہ کیسی تیرے ہجر میں ٹھانی دل نے — عدیم ہاشمی
شاعر
جانے یہ کیسی تیرے ہجر میں ٹھانی دل نے
جانے یہ کیسی تیرے ہجر میں ٹھانی دل نے
پھر کسی اور کی کچھ بات نہ مانی دل نے
ایک وحشت سے کسی دوسری وحشت کی طرف
اب کے پھر کی ہے کوئی نقل مکانی دل نے
اب بھی نوحے ہیں جدائی کے وہی ماتم ہے
ترک کب کی ہے کوئی رسم پرانی دل نے
بات بے بات جو بھر آتی ہیں آنکھیں اپنی
یاد رکھی ہے کسی دکھ کی کہانی دل نے
ڈوبتی شام کے ویران سمے کی صورت
تھام رکھی ہے تیری ایک نشانی دل نے
Jaane yeh kaisi tere hijr mein thaani dil ne
Jaane yeh kaisi tere hijr mein thaani dil ne
Phir kisi aur ki kuch baat na maani dil ne
Ek wahshat se kisi doosri wahshat ki taraf
Ab ke phir ki hai koi naql-e-makaani dil ne
Ab bhi nauhe hain judaai ke wahi maatam hai
Tark kab ki hai koi rasm puraani dil ne
Baat be-baat jo bhar aati hain aankhen apni
Yaad rakhi hai kisi dukh ki kahaani dil ne
Doobti shaam ke veeran samay ki soorat
Thaam rakhi hai teri ek nishaani dil ne
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں