کسی جھوٹی وفا سے دل کو بہلانا نہیں آتا — عدیم ہاشمی
شاعر
کسی جھوٹی وفا سے دل کو بہلانا نہیں آتا
کسی جھوٹی وفا سے دل کو بہلانا نہیں آتا
مجھے گھر کاغذی پھولوں سے مہکانا نہیں آتا
میں جو کچھ ہوں وہی کچھ ہوں جو ظاہر ہے وہ باطن ہے
مجھے جھوٹے در و دیوار چمکانا نہیں آتا
میں دریا ہوں مگر بہتا ہوں میں کہسار کی جانب
مجھے دنیا کی پستی میں اتر جانا نہیں آتا
زر و مال و جواہر لے بھی اور ٹھکرا بھی سکتا ہوں
کوئی دل پیش کرتا ہو تو ٹھکرانا نہیں آتا
پرندہ جانب دانہ ہمیشہ اڑ کے آتا ہے
پرندے کی طرف اڑ کر کبھی دانہ نہیں آتا
اگر صحرا میں ہیں تو آپ خود آئے ہیں صحرا میں
کسی کے گھر تو چل کر کوئی ویرانہ نہیں آتا
ہوا ہے جو سدا اس کو نصیبوں کا لکھا سمجھا
عدیمؔ اپنے کئے پر مجھ کو پچھتانا نہیں آتا
Kisi jhooti wafa se dil ko behlaana nahin aata
Kisi jhooti wafa se dil ko behlaana nahin aata
Mujhe ghar kaaghzi phoolon se mahkaana nahin aata
Main jo kuchh hoon wohi kuchh hoon jo zaahir hai woh baatin hai
Mujhe jhoote dar-o-deewaar chamkaana nahin aata
Main darya hoon magar behta hoon main kohsaar ki jaanib
Mujhe duniya ki pasti mein utar jaana nahin aata
Zar-o-maal-o-jawaahir le bhi aur thukra bhi sakta hoon
Koi dil pesh karta ho to thukraana nahin aata
Parinda jaanib-e-daana hamesha ud ke aata hai
Parinde ki taraf ud kar kabhi daana nahin aata
Agar sahra mein hain to aap khud aaye hain sahra mein
Kisi ke ghar to chal kar koi veeraana nahin aata
Hua hai jo sada us ko naseebon ka likha samjha
Adeem apne kiye par mujh ko pachhtaana nahin aata
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں