راحت جاں سے تو یہ دل کا وبال اچھا ہے — عدیم ہاشمی
شاعر
راحت جاں سے تو یہ دل کا وبال اچھا ہے
راحت جاں سے تو یہ دل کا وبال اچھا ہے
اس نے پوچھا تو ہے اتنا ترا حال اچھا ہے
ماہ اچھا ہے بہت ہی نہ یہ سال اچھا ہے
پھر بھی ہر ایک سے کہتا ہوں کہ حال اچھا ہے
ترے آنے سے کوئی ہوش رہے یا نہ رہے
اب تلک تو ترے بیمار کا حال اچھا ہے
یہ بھی ممکن ہے تری بات ہی بن جائے کوئی
اسے دے دے کوئی اچھی سی مثال اچھا ہے
دائیں رخسار پہ آتش کی چمک وجہ جمال
بائیں رخسار کی آغوش میں خال اچھا ہے
آؤ پھر دل کے سمندر کی طرف لوٹ چلیں
وہی پانی وہی مچھلی وہی جال اچھا ہے
کوئی دینار نہ درہم نہ ریال اچھا ہے
جو ضرورت میں ہو موجود وہ مال اچھا ہے
کیوں پرکھتے ہو سوالوں سے جوابوں کو عدیمؔ
ہونٹ اچھے ہوں تو سمجھو کہ سوال اچھا ہے
Rahat jaan se to ye dil ka wabaal achha hai
Rahat jaan se to ye dil ka wabaal achha hai
Us ne poocha to hai itna tera haal achha hai
Maah achha hai bahut hi na ye saal achha hai
Phir bhi har ek se kehta hoon ke haal achha hai
Tere aane se koi hosh rahe ya na rahe
Ab talak to tere beemar ka haal achha hai
Ye bhi mumkin hai teri baat hi ban jaaye koi
Use de de koi achhi si misaal achha hai
Daaen rukhsar pe aatish ki chamak wajah-e-jamaal
Baaen rukhsar ki aaghosh mein khaal achha hai
Aao phir dil ke samandar ki taraf laut chalein
Wahi paani wahi machhli wahi jaal achha hai
Koi deenar na dirham na riyaal achha hai
Jo zaroorat mein ho maujood woh maal achha hai
Kyun parkhte ho sawaalon se jawaabon ko Adeem
Honth achhe hon to samjho ke sawaal achha hai
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں