اداس شام دلِ سوگوار تنہائی — عدیم ہاشمی
شاعر
اداس شام دلِ سوگوار تنہائی
اداس شام دلِ سوگوار تنہائی
ہر ایک سمت ہوئی بے کنار تنہائی
بچھڑ گئے ہیں سبھی برگ و بار پیڑوں سے
سسک رہی ہے لبِ شاخسار تنہائی
تمہارے نقشِ قدم پر جبین رکھ رکھ کر
رہی ہے دیر تلک اشکبار تنہائی
پکارتا ہے یہ کس لَے میں ڈوبتا ہوا دل
جو لوٹ آتی ہے پھر بار بار تنہائی
میر ے وجود سے مانوس اسقدر ہے کہ اب
تمھارے بغیر رہے بے قرار تنہائی
بچی ہے جتنی اداسی بھی تیرے دامن میں
اسے بھی میرے لہو میں اتار تنہائی
ہمارا ربط کہاں بستیوں کی رونق سے
ہمارا تم پہ بھی کب اختیار تنہائی
تمہارا مان بجا اپنی وحشتوں پہ مگر
ہمارے ساتھ بھی کچھ دن گزار تنہائی
دل تباہ ، تیری یاد ، شب کا ویرانہ
دھوئیں میں لپٹا ہوا ہے مزار تنہائی
Udaas shaam dil-e-sogwaar tanhai
Udaas shaam dil-e-sogwaar tanhai
Har ek simt hui be-kinaar tanhai
Bichhad gaye hain sabhi barg-o-baar pedon se
Sisak rahi hai lab-e-shakhsaar tanhai
Tumhare naqsh-e-qadam par jabeen rakh rakh kar
Rahi hai der talak ashkbaar tanhai
Pukaarta hai yeh kis lay mein doobta hua dil
Jo laut aati hai phir baar baar tanhai
Mere wujood se maanoos is qadar hai ke ab
Tumhare baghair rahe be-qaraar tanhai
Bachi hai jitni udaasi bhi tere daaman mein
Use bhi mere lahu mein utaar tanhai
Hamara rabt kahan bastiyon ki raunaq se
Hamara tum pe bhi kab ikhtiyar tanhai
Tumhara maan baja apni wahshaton pe magar
Hamare saath bhi kuch din guzaar tanhai
Dil tabaah, teri yaad, shab ka veerana
Dhuaen mein lipta hua hai mazaar-e-tanhai
شاعر کے بارے میں
عدیم ہاشمی اردو کے ممتاز شاعر، ادیب اور ڈرامہ نگار تھے جن کا اصل نام فصیح الدین تھا اور وہ یکم اگست 1946ء کو فیروز پور (بھارت) میں پیدا ہوئے۔ تقسیم...
مکمل تعارف پڑھیں