عام ہے کوچہ و بازار میں سرکار کی باتاب سر راہ بھی ہوتی ہے سر دار کی بات
ہم جو کرتے ہیں کہیں مصر کے بازار کی باتلوگ پا لیتے ہیں یوسف کے خریدار کی بات
مدتوں لب پہ رہی نرگس بیمار کی باتکیجیے اہل چمن اب خلش خار کی بات
غنچے دل تنگ ہوا بند نشیمن ویراںباعث مرگ ہے میرے لیے غم خوار کی بات
بوئے گل لے کے صبا کنج قفس تک پہنچیلاکھ پردوں میں بھی پھیلی شب گلزار کی بات
زندگی درد میں ڈوبی ہوئی لے ہے راہیؔایسے عالم میں کسے یاد رہے پیار کی بات
— احمد راہی
Aam hai koocha-o-bazaar mein sarkar ki baatAb sar-e-rah bhi hoti hai sar-e-daar ki baat
Hum jo karte hain kahin misr ke bazaar ki baatLog pa lete hain yosuf ke khareedar ki baat
Muddaton lab pe rahi nargis-e-beemar ki baatKijie ahl-e-chaman ab khalish-e-khaar ki baat
Ghuncha-e-dil tang hua band nasheman weeranBais-e-marg hai mere liye gham-khwaar ki baat
Boo-e-gul le ke saba kunj-e-qafas tak pahunchiLaakh perdon mein bhi phaili shab-e-gulzar ki baat
Zindagi dard mein doobi hui lay hai raahiAise aalam mein kise yaad rahe pyaar ki baat
فرہنگ
تشریح
اس غزل میں شاعر نے جبر اور سختی کے ماحول میں سچ کہنے کی مشکل کو بیان کیا ہے۔ سرکار کی بات کوچہ و بازار میں عام ہے اور سر دار بھی اس کا ذکر ہوتا ہے، یعنی خوف کے باوجود حق بات کہی جا رہی ہے۔ شاعر تمثیلوں کے ذریعے کہتا ہے کہ جو بات کی جاتی ہے وہ کسی نہ کسی طرح مخالفین تک پہنچ جاتی ہے۔ آخری شعر میں زندگی کے دکھ اور مشکل حالات کا احساس نمایاں ہے، جس میں محبت کی باتیں یاد رکھنا بھی مشکل ہو گیا ہے۔