اکھّراں وچ سمندر رکھّاں، میں اقبال پنجابی داجھکّڑاں دے وچ رکھ دِتّا اے دِیوا بال پنجابی دا
دُھوڑاں نال کدے نہیں مرنا، شیشے دے لشکارے نےجِنّی مرضی تِکھّی بولے اردو، بال پنجابی دا
لوکی منگ منگا کے اپنا بوہل بنا کے بہہ گئے نیںاساں تے مٹّی کر دِتّا اے سونا گال پنجابی دا
جیہڑے آکھن وچ پنجابی، وسعت نہیں تہذیب نہیںپڑھ کے ویکھن وارث، بُّلھا، باہُو، لال پنجابی دا
تن دا ماس کَھوا دیندا اے جیہڑا ایہنوں پیار کرےکوئی وی جبراً کر نہیں سکدا وِنگّا وال پنجابی دا
ماں بولی دی گھر وچ عزت کمّی جنّی ویکھ رہیاںدیس پرائے کیہ ہووے گا خورے حال پنجابی دا
غرضاں والی جوک نے ساڈے مگروں جد تک لہنا نہیںاوناں چِر تے ہو نہیں سکدا حق بحال پنجابی دا
ہتھ ہزاراں ودھ کے بابا گُھٹ دیندے نیں میرا مُونہہپرہیا دے وچ جد وی چُکناں کوئی سوال پنجابی دا
— بابا نجمی
Akhran vich samandar rakhan, main Iqbal Punjabi daJhakkarhan de vich rakh ditta ae deeva baal Punjabi da
Dhurran naal kade nahin marna, sheeshe de lashkaray neJinni marzi tikhi bolay Urdu, baal Punjabi da
Loki mang manga ke apna bohal bana ke beh gaye nayinAsaan te matti kar ditta ae sona gaal Punjabi da
Jehre aakhan vich Punjabi, wusat nahin tehzeeb nahinParh ke vekhan Waris, Bullha, Bahu, Laal Punjabi da
Tan da maas khawa dinda ae jehra ehnon pyar kareKoi vi jabran kar nahin sakda wingan waal Punjabi da
Maa boli di ghar vich izzat kammi jinni vekh rahiyanDees paraye kih hovega khore haal Punjabi da
Gharzan wali jok ne sade magron jad tak lahna nahinOunan chir te ho nahin sakda haq bahal Punjabi da
Hath hazaran wadh ke Baba ghutt dende nayin mera munhParhiya de vich jad vi chukna koi sawal Punjabi da
