عذر آنے میں بھی ہے اور بلاتے بھی نہیںباعث ترک ملاقات بتاتے بھی نہیں
منتظر ہیں دم رخصت کہ یہ مر جائے تو جائیںپھر یہ احسان کہ ہم چھوڑ کے جاتے بھی نہیں
سر اٹھاؤ تو سہی آنکھ ملاؤ تو سہینشۂ مے بھی نہیں نیند کے ماتے بھی نہیں
کیا کہا پھر تو کہو ہم نہیں سنتے تیرینہیں سنتے تو ہم ایسوں کو سناتے بھی نہیں
خوب پردہ ہے کہ چلمن سے لگے بیٹھے ہیںصاف چھپتے بھی نہیں سامنے آتے بھی نہیں
مجھ سے لاغر تری آنکھوں میں کھٹکتے تو رہےتجھ سے نازک مری نظروں میں سماتے بھی نہیں
دیکھتے ہی مجھے محفل میں یہ ارشاد ہواکون بیٹھا ہے اسے لوگ اٹھاتے بھی نہیں
ہو چکا قطع تعلق تو جفائیں کیوں ہوںجن کو مطلب نہیں رہتا وہ ستاتے بھی نہیں
زیست سے تنگ ہو اے داغؔ تو جیتے کیوں ہوجان پیاری بھی نہیں جان سے جاتے بھی نہیں
— داغ دہلوی
Uzr aane mein bhi hai aur bulate bhi nahinBais-e-tark-e-mulaqat batate bhi nahin
Muntazir hain dam-e-rukhsat ke yeh mar jaaye to jaayenPhir yeh ehsan ke hum chhod ke jaate bhi nahin
Sar uthao to sahi aankh milao to sahiNashe mai bhi nahin neend ke maate bhi nahin
Kya kaha phir to kaho hum nahin sunte teriNahin sunte to hum aison ko sunate bhi nahin
Khoob parda hai ke chilman se lage baithe hainSaaf chhupte bhi nahin samne aate bhi nahin
Mujh se laghar teri aankhon mein khatakte to raheTujh se nazuk meri nazron mein samate bhi nahin
Dekhte hi mujhe mehfil mein yeh irshad huaKaun baitha hai اسے log uthate bhi nahin
Ho chuka qata-e-ta'alluq to wafayen kyon honJin ko matlab nahin rehta woh satate bhi nahin
Zeest se tang ho ae Dagh to jeete kyon hoJaan pyari bhi nahin jaan se jaate bhi nahin